搵工日誌

今日同阿短+周文+tal+kk去搵工！
1點3係荔景出發去鰂魚涌太古坊。
行去太古坊見到2個MK仔都拎住本搵工雜志行係我地前面！
最後俾我地估中真係同我地一樣去見sales staff。
去到之後好多人......KK+tal+周文見形勢唔得，所以唔見呢份。
而我同阿短照見左。
仲以為面試會問好多野，點鬼知得個介紹，同role play。
我同阿短一team，而另外兩個男仔就一team（佢地好多experience）
我地用普通話扮演，希望佢地識貨請我地啦！
跟住就出返去KF食kk叫左成幾個鐘頭既小雨天啦。
滑雞真係好滑呀d肉，食完鍋野都勁飽.....
之後就去左青年協會度搵工，不過就唔係周文係網上睇到果d.....
問個姑娘佢話係請導師，教d小朋友做下野咁。大家都無填到form，諗清楚再來。
跟住再去百佳買莎利cake，食完更加飽.....

6點3到出發去MK，join阿堯同dennis，去cycle studio夾band！
等埋angus+rock頭，就來啦！
至從學校開放日之後到衣家，都未夾band了，打左一首都覺得手臂累......
不過同佢地夾band真係幾正，因為大家都好熟悉d歌，當中最差既應該係我，
皆因我好耐無打鼓同少聽要夾果首......
9點完左再落去食d野吹下水，都幾搞笑，吹到11點先走。
下次夾前我要聽熟曬d歌先得啦！

呢排係咁使錢......又無收入，真係救命啦！
希望可以快d搵到份工啦！