呢4日~全部拎曬來玩~
呵~~完全忽略曬讀書呢樣野~
阿爸阿媽成日都係咁鬧我~
做咩成日打機啊~衰仔~
不過好似鬧極我都唔知醒~
我都知自己咁係衰....不過得自己一個溫書好鬼悶..
所以又會成日諗起打機~
好嚮往以前細個同d同學仔一齊係屋企做功課~
依家就難lu~最多都係係學校度一齊做~

話時話~有時覺得自己好無用~
因為得個玩自己又無乜作為咁好衰~
第時出來做咩工都唔清楚.....
阿媽問我第日想做咩.....!?
唉,細個就話有理想姐~大個覺得呢個理想已經無法實現~
做咩好?有咩岩我做?唔清楚自己既目標~
因為無確定既目標~所以自己無乜固定的方向去努力~
往往都會3分鐘熱誠~過一陣又停唔到~
就好似打機咁~之前話過要戒~
頭兩日無問題,第3日又開始玩~
係咪阿爸阿媽所講既上癮呢?
我睇應該係了,對得電腦多,成日俾個電腦吸引住~!
最弊係老二都有玩....令我更難捨棄.......

唔知大家係咪都有呢種情況~
如果有既我諗應該會同我有所共鳴~
呢幾日咁盡興,係因為接住落來既時間唔可以再咁~
因為我已經決定左,玩,玩夠了,休息,休息夠了
上學期考到咁爛~係時候要做補救了~
玩埋呢個星期~~所有壞習慣都要掉埋一邊了~
呢次唔係講講下了~係好認真~
所有我玩既game到今晚都會係呢部機消失~

一切都隨時間而改變
萬物都隨環境而變遷