今日係我一生以來比人開過最大既玩笑!
話說放學時整壁報,同學用釘槍玩打war game!
好啦,被人稱槍神既我一下就射中孫同學個嘴!
真係俗稱:射爆佢個嘴!
那時說這時快,孫同學和程同學+鍾同學走了,
佢地去左地下,而我當時諗bio既功課佢地交左未,
於是打俾孫同學,其後再打俾程同學,ok~佢地未交!
點知一轉頭,程同學打來話孫同學出事!我問咩事?
佢話孫同學好似吞左粒釘!衣家好辛苦咁!
我即刻打左個突!有無咁神呀!?但程同學又好似唔係講笑,
於是我就落去了.一落去,就見到孫同學一手整弄喉嚨唔舒服既地方,
好似真係中招!!好啦,於是就叫雷射車我地去瑪嘉烈醫院.
去到既時候係下午5點30分左右,孫同學俾左錢登記,好快就見姑娘了.
再等一陣,見醫生,果陣我無陪佢入去,係出面等左好耐,
心諗:唔通真係中招,衣家醫生幫佢整緊出來!?
半個鐘頭左右,孫同學出來了,原來佢去左照X-ray,我地以為等結果一出就知道,
點知,等左超過半個鐘頭,又叫佢名了,醫生話叫佢拎份X-ray照片佢X-ray登記處!
登記完,叫孫同學換上紫色病人袍,又再等,原來要照多次X-ray!
好,到叫佢入去果陣,有個阿伯唔gur!話醫院唔跟次序,孫同學俾佢太太遲來竟然可以先入!?
孫同學入左去,而我就坐係出面,受果位阿伯怒睥!仲爆曬粗口,我無言以對!
低頭諗:天啊!點解會下我會有咁衰運!我係最無辜ga!
大約過了5分鐘左右,孫同學出來了,又要出去外面等叫名!
好,出去外面時,已經差唔到8點!我地等等等......最後8點半左右!"孫鎮榮請到醫生檯!"
緊張時刻到了,究竟係我錯定孫同學白癡兼膠!?
醫生:我地無發現到你身體有咩野,如果你遲d發現屙屎有血或者痛就再返來!
咁你無咩事~唔駛食藥ga la!
事情的一切都係由於孫同學既心理作用!
呢個玩笑,真係開大了!總共浪費了我3個鐘頭時間!
%#!@$#@%@#%!
|
