今晚就係謝師宴，為表誠意大家都去剪下個頭。
阿短約左我係長亨商場間salon剪，下午我搭42A去到總站落車，
準備行入商場見到3個差佬1個差婆，點知4個差佬就叫我埋去check身份證......
差佬：咁熱既天氣拎住件長袖西裝去邊？
我：無啊，今晚graddin。
差佬1：咩話？
我：graddin！
差佬1：落d？
我：畢業聚餐......
差佬1：哦~graddin（唔岩音）
差佬1：讀邊間學校啊？
我：上葵涌官中，中七。
差婆：俾身份證我，等一陣好快就得。
差佬2：嘩~izzue wor，貴野wor件縷!條褲係咩牌子？
我：levi's囉。
差佬2：對鞋呢？好似係新款來wor？買幾錢？
我：係啊，琴日岩買，400幾。
差佬2：嘩，成身名牌wor！
我：無咩......多數係阿哥買既，我地share著。
差佬2：咁你阿哥對你好好wor！
我：係啊，我都好尊敬我阿哥。
呢個時候有個染左髮既金毛仔行過，都俾呢4個差人叫埋來check身份證......
差佬2：呢排有人係商場後樓梯度索K，你有無份去啊？
金毛仔：我無啊。
差佬2：你地班後生仔好揾份好工做啦。
金毛仔：阿sir你地份工都唔差啊，有萬幾蚊個月。
差佬2：我地以前人工得4000幾咋，衣家先升到2萬幾，讀好d書就可以來見。
隔離果個中7既就可以見啦。
金毛仔望一望我，我都無奈緊，等緊個差婆call 電臺check身份證。
全程等左15∼20分鐘到......先行入商場剪頭發。
髮藝間野既7號髮型師幾好wor，一次過幫我地班友仔剪曬唔同look，價錢每人60，抵啊！

剪完就搭車去青衣城，kk join埋，不過就唔見阿宙，佢電話壞左，好似話幫阿妹整野所以遲左來。
而我地就早去先啦。
去到個場地就估到差唔多咁既樣，大家揾個位坐低，睇下grad book。
8點9點先等齊人開始可以食野，野食係意粉屋+元氣壽司。
9點半到就抽獎，獎品過得去啦，我抽到50蚊萬寧coupon，還好啦。
10點要好準時收拾野走人......都未影曬相，不過阿sir果d就走曬啦，因為第二日要返工。
咁就完左個謝師宴啦，好快。

而我同阿短，周文，鎮榮，kk最後去左青衣海旁坐下吹下水。
接住落來既日子，就係揾工做啦。
相片遲d再upload，未收到相既同學記得揾我。