揾工團之吃喝玩樂日∼！

呢日之前既一晚，大家傾掂去邊度食~
目標地方：旺角-->深水埗-->青衣

首先，下午1點半係家樂坊集合，個個都遲到，得阿tal無遲到@@"
等齊人就出發啦，落雨tim......不過都無乜影響我地食野既心情！
第一個目的地原本係洋蔥屋，點鬼知去到得返間蒜頭屋......
所以決定2點半去意房菜食下午茶。
跟住就行街街，睇下想買既野。
轉個頭就6點，晚餐個個無主見，最後去炳記牛牛食意粉。
食玩好快7點幾啦，行去地鐵站同阿星拎錢，跟住就出發去深水埗！
其實深水埗都好多好野食，不過遲d先試啦！
我地先去西九龍等埋鎮榮放工，係3樓既電梯位有間賣龍鬚糖，
買左龍鬚糖+糖不甩各一盒，好快就KO！
即刻出發去松記糖水鋪食糖水！
食完都就9點啦，就行出去搭車去青衣長發食宵夜！
點知去到落大雨........不過好彩都有小販出來賣野食~
最後買左好多袋野食......果陣落紅雨= ="
唯有行去樓梯位度做住食囉∼
食完就散啦！

食到好飽，好滿足哦，多謝KK+tal慷慨解囊。
下次就到我地啦~！

等我來介紹下先！
第一目的地：意房菜
地點係旺角既女人街（通菜街）後巷，好容易揾到。
下午茶野食評價：4粒半星星啊∼
價錢平，20蚊之內包埋野飲唔駛加一！
推薦：串燒雞肉拉面/烏冬

第二目的地：炳記牛牛
地點都係旺角女人街後巷，有兩間tim~
晚餐有牛魔王，豬八戒同牛牛燴意粉餐，送salad，包野飲。
價錢就40左右，不過其他野食單叫就27左右，唔包野飲。
野食評價：3粒半星星啦∼
推薦：野食最好陪意粉~

第三目的地：西九龍三樓龍鬚糖鋪（唔記得叫咩名）
價錢20蚊：糖不甩+龍鬚糖各一盒，單買就11蚊一盒。
野食評價：3粒半星星∼
推薦：糖不甩，一盒即整，多到擺唔落！要即刻食。

第四目的地：松記糖水店
地點係深水埗元州街，營盤街M記對面就係！
糖水款式多多，價錢平又抵又好食。
野食評價：4粒星星∼
推薦：幻彩明珠，$15蚊大大碗！

第五目的地：青衣長發村
地點係長發商場對出既巴士站，
小販只會夜晚先會出來賣宵夜!
各小販賣唔同野食，糖水都有！
價錢5-10幾蚊不等。
野食評價：4粒星星∼
推薦：串燒小販既串燒雞同牛，6蚊串，d醬汁好味！

大家有推薦既野食同我講吧，
遲d有錢逐一嘗試啊！呵呵！