經過尋日爆完頭之後，今日又有野發生................今日ge早上(大約5點到)，我唔舒服，搞到訓着都要彈返起身，喉嚨痛、頭痛又算塞。於是我食左兩粒藥再訓(期間醒下訓下)。到九點幾果陣，我真係好唔舒服，又眼訓，差d成個人累到仆左係地下)其實我今日都想唔返學嫁la，不過記得尋日應誠左人今日返去請我食蛋糕，我就死下死下咁返去...............返到去上堂，我好想係果度訓覺，又有冷氣又靜wo，不過諗起miss咁辛苦犧牲自己ge家庭幸福黎幫我地補課，於是我寧願打自己都唔比自己訓着。放學返到屋企，我食左d好好味ge蛋糕，再食多兩粒藥就訓着lu。點知.................到兩點幾呀媽冇lala話去飲茶，我想話唔去，佢話老豆休息一齊去，我叫咁難得一家人去飲茶咪算囉，去到唒樓，平時大殺四方ge我，今日去到倍坐=.=我仲差d係唒樓度訓着。飲完返到屋企，成想話訓覺，點知我grandmother打比我叫我同佢買米，我病到得返半條人命仲要...............我又唔想佢老人家擔心所以冇同佢講爆頭同病。所以我無奈要頂硬上.............一個人買左4包5公斤ge米，係要用手拎果下先慘。唉...........我想訓一覺姐...........咁都咁難??

今日一放左學就去左銅鑼灣度去溫習面試，之後就同呀媽呀姨去行街，行到六點幾就去左食pizza。食完之後又行左陣街，行完又食野wo。點知..............食完之後我諗住起身走，一起身個頭撞左落個櫃度，超痛。之後我摸下個頭，點知有d血出左黎@@，我摸多下.仲多血流出黎..............之後我攞張紙巾整住咁返到home，用酒精消毒(痛到差d流眼看)，唉.........好慘呀>.<

今日我要返學，返到去呀sir就同我地開始拉二胡，呀sir叫我隻手指放鬆d(我鬼唔知咩=.=鬼叫我尋日抄車整親，整到彊左)，之後佢講完我都冇改就鬧我，我同佢解釋話我踩單車整親。之後佢又叫我挺起個人拉(我鬼唔知咩=.=踩單車踩到high爆，d肌肉勁酸痛，郁都郁唔到)之後我又俾佢鬧我，我又同佢解釋。點知佢問我係唔係俾人dup呀，成身傷..........全場笑爆=.=我勁無奈話抄車姐..........點知我呀sir串我話單車我細個果陣都踩唔少，都未試過抄車ge................................(陳年往事)講左半個鐘。唉...........勁無奈囉，其實唔止手同博頭，隻腳撞都瘀哂，我今朝起身攞左枝藥哂入房。我呀哥問我咩事，我話療傷呀。佢問我療咩傷，之後我成隻腳第俾佢睇........嘩...........抄到豬腳咁ge你=.=之後我差唔多用左半枝藥唒。唉.............多得我ge好朋友ivy，係佢叫我去踩單車，踩到我依家..........................thx

今日去左踩單車，超好玩。今日我遲到講聲sorry先。不過都係好好玩。一開始租完車，我唔係好記得點踩(第2次踩喳，仲要成年冇踩)緊係唔掂la。踩幾步又抄車，踩幾步又抄車。之後我慢慢踩慢慢踩，我感覺到我終於返黎la，我好開心。於是係咁踩，不過都有抄下車咁(只係撞親架車同隻手)其他地方都唔係好痛。當ivy話要踢去大埔wo，我緊係跟la。

haha我同fabia一路帶頭(緊係我快d la)，真係好爽呀，d風迎面吹埋黎，爽爆@@。點知好景不常，我又抄車la，不過又唔係好傷，我再追上fabia，點知..............又抄=.=，今次個人冇事，但係................架車條金鋉就鬆左，踢唔到，好彩呀don同ivy黎幫我，如果唔係都唔知點算.........不過佢地整到我架車好慢好慢。我都覺得奇怪，點解架車我踢落去冇力ge=.=。於是去到休息，佢地話原來整錯左，之後佢地唔敢整(條鋉好多機油)，於是我就犧牲左我隻手，我地繼續出發去到大埔，我地再踩返沙田。

嘩...........我緊係又一路帶頭la，果種feel好正，不過我又抄車>.<，今次好嚴重，我成隻手同點手指全部傷哂，我忍唔住要爆句粗.................我真係好痛，痛到唔知點形容，隻手好似冇左咁(仲慘過俾人飛)。我頂唔順就休息左一陣la，於是我唔甘心，我就係咁踩係咁踩，又係第一wo。之好差唔多到沙田，我地又休息一陣，之後就衝去交車果度，我搏命踩搏命踩，最後以第二去到終點，第一係呀don，fabia第3，ivy包尾haha。我緊以一個車位輸左俾呀don。算la我俾呀don做深水埗車神，我做深水埗車王算。

之後去左m記食野，我地食完傾左一陣就走左lu，上到巴士，呀林雅塋好好人請我食糖，於是我懷(唔食唔好意思ge心情接受左la)，但係佢請人食又要攞返wo，我話邊有得咁嫁，佢話叫我俾返粒佢，我俾佢呀，佢又唔要=.=(邊有d咁ge人嫁)之後我順下佢意俾返佢(期間佢不斷「sm」我，我都算(大人不記小人過ma)。

經過今日之後，我終於體會到男人最痛.............男人最痛唔係「果度」，而係patpat痛(可能我抄車抄得多)，嘩...........簡直痛到想死>.<行又痛，坐低又痛，點都痛。真係攞命...........................坐低都要搵d軟林林ge野要住。

好悶，成日對住我呀媽，係我身邊係咁煩................我驚我忍唔住會打7佢，點算好??佢講10句野=1句野，點解要講10句呢??例如你跑得慢,你跑得唔夠快，你要再跑快d.............日日俾佢係咁噪音轟炸，遲早真係會打佢，唉..............有冇人幫下我?????係唔係每個呀媽都係咁???我ge家庭生活太不完美>.<