今日八點幾起身 , 要去學琴 , 彈彈下就見到Carol C 伸個頭入來 , 但係一見到my mum 就即刻縮開個頭 , 超fun呀

俾人趕走之後 , 就番屋企 , 好快mummy就買左早餐番來 , 超飽啊~

落左 '三聯' 刨書 , 刨左十幾分鐘就走人 , 因為要番屋企做 'xyz' , d 'xyz' 做左 7-8 個度 , 就唔駛做 , 好開心 , 但係我卻是開心得太

早 , 因為我原來仲要做澳洲d測試(P.4) , 都好難 , 45題錯10題 , 都算唔錯啦

我要睇 '阿笨 & 阿占' 啦 , 886

唉~今日八點二就起左身 , 因為要去畫畫 , 今日都無咩係特別好笑 , 因為xyz , 其實我都唔知 , 可能係那個人走了掛。

一點七就走人 , 等巴士等左好耐 , 終於都番到屋企啦~抖左半個鐘到 , 就落 '大快活' 食下午茶 , 食左個 雪菜米 , 一個熱狗 & 一隻小

雞翼 , yummy yummy

番到屋企狂玩手提電話 , 又錄音 , 又影相 , 又玩遊戲 , 又唱歌 ...... 玩左成一個鐘 , 好累 , 好眼訓

沖完涼就睇電視 , 睇 '殘酷叮叮' , 好好笑

而家做 'xx先生' , 都唔錯 , 我要去睇啦~再見

今日一早起身就去左舅父屋企玩野 ( 唔好誤會 , 係玩狗 , 玩bb & 玩遊戲機 ) , 好開心 。

玩完就落舅父屋企樓下的 'M記' 食 '麥樂雞' , 好耐無食過啦!!

食食下 , 就發覺天文台掛左 8號風球 , 於是就好快地食完d野 , 就衝返屋企 。

返到屋企就狂煲電視d卡通片 & '放學ICU' 。

睇完就 洗頭沖涼食飯睇電視開電腦刷牙洗臉訓覺

今日係 070809 , 都係carol b 的生日 , 生日快樂啊~

 一早就過左德福間 '大家樂'食早餐 , 算係同你慶祝生日啊 , carol b

然後就閒左陣 , 睇 '兵馬俑' , 諗住返屋企睇 '惡作劇之吻' , 點知已經開左場半粒鐘 , 好慘呀

因為 '宮S'做一個鐘 , 所以好快就做完 , then就左去 '大家樂' 食下午茶 (我又同你慶祝生日啦~carol)

跟住又去 '三聯' 刨書 , 三點幾刨到六點幾 , 好累啊~

跟住就睇電視 , 睇到我訓之前的5-10分鐘 , zzzzzzzzzZZZZZ

今日係 080808減010000 , 即係070808 , 又係我其中一個好朋友的生日 , 生日快樂呀 (雖然佢唔會來) , 睇完 '惡作劇之吻' , 就

睇 '宮S' , 聽日就係 '宮宮宮S' 的大結局 , 好期待啊~

睇完之後 , 就落 '三聯' 睇書 , 睇左大概三個鐘頭 , 大約5-6本書 , 企到我腳都痛埋 。 睇到五點幾 , 就返屋企沖涼 & 洗頭 , 整完之

後 , 就開電視睇 , 點知做 080808 , 做咁耐 , 悶死我了!!