今日真係凍左，但係我都唔係著左好多衫咋，攪到放學果時真係幾凍的呀~~

不過尋晚我好叻叻呀，點解？？因為我好乖乖咁做晒d tutor呀，仲要係AFA既tutor呀，咁你話我係唔係好叻叻先，因為往時既我都會逃避一d我唔識既野，但係我依家唔可以咁做的呀~~我會keep住的呀~~

在落堂之前提(AFA)，阿sir問我地對於學校同埋d阿sir有咩意見，當然我地都係focus on AUDIT度啦，其實我下星期要返去開會的呀，但係我估我都係唔返的呀~~反正今日都講晒啦，哈哈！！

放學果時就同KITMAN行左陣就散喇？！我估計我起碼在生日果期附近，我先會買到鞋，KITMAN就估四月左右，咁就真係要睇睇到時點喇，哈哈~

今日去圖書館附近間法國餐應食飯，好似係因為叫春茗woo~~其實去到間野都ok既，但係上野上得好慢呀，同埋d野都唔係好好食呀~~不過我有d冇奈的呀，因為我個台四個係者細law，一台有八個人，但係我就俾大老細同埋阿媽夾住坐~~

因為今日佢地都係要返工的ma，但係佢地都食唔到甜品就要去開工喇？！不過其中一個人就真係叻到冇人有呀？！識我既都知我地係有bonus的ma，late左就冇的ma~~咁其中一個就同我地個CO講、"反正都係late嫁啦，又有咩所謂姐，最多咪邂d先走law？！"當其時大老細係在埸的呀，你話佢係唔係叻到震呢~~我地個個都"O"晒咀，唔知可以有咩反應俾到佢呀~~

食完之後就幫阿MING佢地拎ROOM，因為佢地去唱K，咁我係STUDENT可以有discount丫ma，咁我咪去幫佢地登記law~~之後我就行左一陣，then搭車返學校喇？！

連續上左三個鐘，今日上堂講果d野真係令我好迷呀？！都唔知點算好呀~~完全可以話係死晒呀，你話我點考試，你話？？

一陣都係睇下份AFA先，如果唔係聽日講tutor，我又唔知阿sir講咩的呀~~

今日開始要返學喇？！講真今朝真係唔想返的呀，因為只係返去上一個鐘，我搭車都唔止呢個時間啦~~ 不過當我落到地鐵站就唔同晒喇，哈哈~~新一年返學，搭車就撞到佢喇，其實我未試過同佢同車的呀~~真係想望多佢幾眼呀，但係我又驚woo ~~但係到依家我都係未試過同佢傾計的呀~~

上到班課上堂，個阿sir都係咁，不過都好左少少的呀？！但係我都係覺得佢教得唔係好好，希望我可以pass到呢科啦~~

放左學之後，就同kitman去左美食節，我地都有買到野，不過我好攪笑地同個鬼佬講話想要一件chocolate chessecake，點知我就同佢講要一件朱古力chesse，之後kitman同我講話我講錯野，我先發覺到，之後就唯有係咁笑law~~

最後行完之後，就各散返屋企lu~~

今日係新一年既開始，在此希望大家新既一年新既開始，事事順利，身體健康？！

新既一年，我真係好希望可以有一個新既開始，因為2005年實在有太多野令我好唔開心，真係好希望唔好再係咁喇......

我希望在2006年，可以搵返自己，搵返之前對每件事都有衡勁既自已，因為過去一年實在係過得不是味意~~

我亦都知道我在過去既一年做得太多令身邊既人唔開心同擔心既事，如果係前者希望大家可以俾多次機會我去改過；如果係後者既話，希望今年可以做每件事之前再諗清楚先做啦~~

點都好啦，希望2006年事事順利啦~~

今朝早俾miss打電話來嘈醒左 ，其實都唔可以話嘈醒既 ，因為我都係時候起身溫書的呀，因為聽日就係AUDIT TEST喇？！

今日溫書既進度都幾好呀，由十二點開始溫，溫到五點半就溫左十三課一次，都算係咁啦~~ 能會有人問，係唔係真的溫到的呀，咁短時間，咁對我來講，我記得講過D咩，但係，係唔係全部都背得出呢？？就有少許保留喇，因為我通想都會再睇多次，我自已D NOTES既~~ 同埋識我既人都知我係咁的呀，我又唔係話求高分，不過我一講呢句，一定又會俾人罵的呀~~不過我覺得對得住自己咪得LAW，俾咁多pressure自己，會死人的呀~~日常有好多野都已經俾左好多無型既pressure我的呀~~

過埋聽日既TEST就真係可以話放鬆下喇，因為仲有幾日就放假喇？！

但係我絕對相信星期六返工，一定唔會好似上星期咁得閒law？！果日我地班同事都講開，好難得咁得閒，你話簡中一次都好既，如果你話日日都係咁的話，都唔知係好事定係壞事？？

今年CHRISTMAS，都係單身一人渡過，點解我又咁講，因為早兩日又有人問我，買左咩CHRISTMAS GIFT俾男朋友，同埋諗住去邊到過？？我真係唔明，乜我個樣真係似咩？？我再講多次我冇男朋友呀，你地放過我啦，好唔好呀？？