唔知點解一朝起身個時條頸好痛呀~~都唔知點解會咁的呀，真係好唔舒服呀，依家都仲係好痛呀......

今日返學返兩點半，講真真係唔多想返的呀，因為個人唔知點解好累呀，同埋知道聽日開始放假，就更加唔多想返呀........明顯地legal真係冇咩心機去上的呀？！不過呢堂都過得ok快呀~~之後到FMC，其實開初個時都幾好的呀，因為miss講英文，我都follow得到呀，而且覺得好過聽中文的呀？！可惜佢講左一堂英文之後轉返講中文，即時冇晒mood呀~~在break個時，阿sir入來講話有個function俾我地同我地個mentor，講真我就真係冇咩interest去喇？！因為我諗諗下3月，要調好多更呀，我唔想因為呢個function又要調更law，先係AFA在13/3有TEST，咁即係話我要調11-12/3喇：之後FMC在20/3又有TEST，咁即係話我又要調18-19/3喇，但係最大既問題係兩科都係星期一TEST，咁我可以調星期幾返工呢？？呢個先係個最serious既問題呀~~調咁多更，一定俾so小姐罵死我呀~~

講真諗起聽日個更表就真係唔多想返工喇？！但係唔返工又冇錢woo，同埋我唔想累人呀，紅日先來玩野唔返工，俾人罵死呀？！而且我地個層己經有人請左假唔返，我都好似聽聞過有人想聽朝早call sick~~

放學個時，我又係咁打電話喇，點解？？因為我又係做contact果個law，所以咪係咁打電話law，先係初三去我miss度拜年，另外係初九同d阿sir miss食飯？！

今日好開心呀，做每樣野都好順意呀~~

先係返到去上FMC，我地又同miss有講有笑呀，我真係幾enjoy同d阿sir有傾有講的呀，有時可以在佢地身上學到唔少野的呀~~我地仲同miss講好，如果佢唔去旅行的話，我地就去屋企而拜年呀，唔知有冇機會呢？？

之後去上AFA，都幾好丫，不過今日上果d野有少少迷law，識唔識之間，希望上埋堂tutor會好d啦~~咁當然break個時，我就係咁打電話啦？！因為要約人去阿媽度拜年呀~~但係唔知點解今年，我既節目全部都係在初三既，真係奇怪呀......

放學個時，去搵阿sir個時，Paul Choi俾左封利是我呀？！話時話個利是封又真係幾靚的呀，不過大家唔好誤會，我唔係同阿sir有咩關係，佢俾利是我，只係講意頭姐，哈哈？！未過年就九利是收喇，你話幾咁好~~

由於今晚我阿媽去飲，所以得返我同我細佬兩個食飯，佢個死仔包仲要我加料，不過冇所謂啦，佢鍾意食咪得law~~我呢個做家姐既都算係咁啦~~

之後果個幾鐘就真係笑死我喇，因為我負責聯絡，咁就要打返俾BEACON既miss阿sir，其實我都好耐冇搵過佢地的呀，我都唔知佢地記唔記得我，但係實驗証明d阿sir miss係冇唔記得我的呀，同埋都知道我搵得佢地都係時候，大家出來食下飯的呀，再加埋新年啦ma，哈哈~~~

頭先俾我細佬發現左我張相呀，點算好呢？？

今日某程度上都幾無奈的呀，點解？？因為都係返去上一個鐘，仲要聽左都好似唔知聽過d乜咁~~不過今日有兩個稀客，都唔知d人返來做咩的呀？？唔想返既就咪返來嘈住其他人上堂啦，己經唔係話早返來嫁啦，差唔多落堂先返到，一入到來就係咁不停咁講野，你唔上堂都唔影響其他人啦？！係咁叻既就唔好返來上堂，唔好要其他人幫手點名啦~~都唔明d人點諗野的呀~~你話我串都係咁講的呀~~

仲要d人成日都好似好驚人地睇住佢咁，有時有d野做得出就唔怕認，又要驚呢樣驚果樣，做人做到好似佢地咁都真係幾辛苦的呀~~做人就大方d，人地要睇既咪俾你睇law，衰唔起既咪做好自己本份law，唔好樣樣野都怨人先得嫁~~有時有d野唔係你話點就點的呀，都要你識做人先得嫁~~一味只係識認叻，自大，係冇用的呀，做人都係腳踏實地好d~~

可能呢期發生太多野喇，所以令我更加對某d人某d事睇唔過眼？！講完出來舒服左好多呀~~

今日一朝早就俾我細佬妹嘈醒左，之後再訓過~~最終訓到十一點幾先起身，但係唔知點解個人都仲係覺得好鬼累呀？！都唔知點解可以咁的呀，真係冇話可說呀~~

之後就落街買飯食，都ok好食呀？！不過唔知點解可以咁飽的呀~~食飽飽之後就上下網同埋諗下ethics咁啦~但係都未諗得掂呀！！到四點鐘左右就沖涼換衫出去食團年飯，但係，唔係同屋企人食，而係同我d同事去食~~

我地去左佐敦一間上海野食，都幾得的呀，一人都係八十幾咋~~

真係好鬼飽呀，我依家都好飽呀~

我今日都ok開心的呀，因為今日又有test paper派呀？！我講得開心，當然個成績都唔錯啦~~我唔係串咀呀，我又冇心去同人爭幾多個distinctions，幾多個credits咁？！講真個句出來既成績好咪得law~~我又唔明d人爭到喇咁又點呢？？爭唔到又點呢？？只緊要係對得住自已咪得law，更何況我又唔係d鍾意同人爭野既人，你要爭既咪俾你law，我又有咩所謂呢.......如果你話係良性競爭，咁又唔同，咁樣大家都會有進步；相反既你就自己慢慢玩吧啦~~

可能有人睇完會覺得我串咀，但係我都係講事實姐，人地點睇唔繄要，只緊要係自已點睇自己？！我亦都相信有人會覺得我好假，但係我都係做返自己姐，做得出就夠膽認，哈哈~~

到食飯個時，TOMMY sir就坐左埋我地度一齊吹下水咁，我又覺得冇咩所謂呀？！我地咩都傾下，傾下搵咩野做，interview既時候，個skill會係點？！阿sir話我interview應該唔會有問題，咁我自己都覺得自己d communication skill唔錯的呀，而同我又識睇人面色呢？！我覺得呢樣野好important的呀，因為連呢少少野都唔識睇的話，點出來做野呀？！再加埋我在圖書館做野，見到好多不同既人，更加可以train到我呢一方面，哈哈？！我亦都好有信心可以好快就搵到工的呀~~個個都咁睇好我，我就更加唔會衰俾人睇呀~~

有時我會諗究竟我係唔係真係咁衰，咁差呢？？又或者係自己有問題呢？？我真係，唔係好明的呀？？當你有存在价值既時候，就會對你好好，好到咩都得！但係過左一段時間，就如同陌路人，可以話同唔識既冇分別.............或者學我個fd講，朋友係用來利用同出賣的呀，當你對佢再冇任何价值既時候，就唔會識你的呀？！除此之外，有d人又會覺得同d阿sir/miss fd就有jetso，咁我就覺得未必的woo，熟既咪傾多兩句，再加埋依家d阿sir/miss都會主張同d學生多d溝通，我又唔覺得有咩問題呀？！相反來講，你同d阿sir/miss fd既時候，有好多時會有d麻煩的呀~~

以上都係我一時既feeling，冇咩意思既~~