今日係大年初二，今朝起身就食開年飯，都幾好丫~~食完之後就出左我舅母屋企拜年，其實我都好多年冇出的呀，因為往年都冇咁早去的呀？！但係今年就初二出去，咁反正我都係冇野做嫁啦，咁咪出去law~~點知我既惡夢就開始喇......
先係上我舅母屋企，咁都冇事既，因為我表哥帶埋佢老婆上去，咁個個人既目標就落左佢地兩個度喇，咁我地呢d做細既都係坐埋一邊聽班大人吹下水咁law，如果唔係都唔知有咩好做呀~~當我地離開我舅母屋企既時候就係我既惡夢開始~~
因為我地上左去排行第二果個姨媽屋企，其實係好近的呀，都只係隔離果座之ma~上到去，我地呢d都係坐埋一邊啦，咁反正我都係冇野做，咁我咪開始send下msg咁啦，點知就引來我表姐既好奇心，佢行埋來就問我做咩係咁send msg呀，仲要send得咁快~~我都未答佢之制，我個三舅父上度來，咁我當然係壤坐啦，咁就坐左埋死角位，之後俾人圍喇？！點解咁講，因為佢地問我同唔同佢地一齊去唱k，咁我就口快快咁話，“我唔去喇，今晚約左人，你地玩得開心d啦！！”點知換來既後果就係俾人迫供，問我係唔係同男朋友仔一齊去街，會去邊呀，可以一齊去的呀，做咩唔帶上來俾我地見下呀？？係咁得佢地講，冇我講，我一句野都冇得講呀~~咁你話我係唔係好慘先............
之後夜晚就叫左阿妍出左來先，因為約左家姐佢地睇2155，咁我當時都只係1800，咁我地兩個人就行下街，食下飯先~~不過最鬼興係睇戲果時，果個正仆街來的呀，成埸戲係咁整我張chair，如果唔係同家姐睇的話，我一早就罵鬼左佢喇~~人睇戲佢睇戲都唔知點解可以咁的呀~~
不過咁都算啦，到我上到巴士，咁諗住可以訓下啦，點知有個人坐左在我隔離，咁都唔係d咩問題，最大問題係佢臭到爆law，成身都係煙味呀.........勁臭呀~~
真係黑仔呀........................ | 
