今日真係唔多想起身的呀，但係唔可以law，如果唔係我一定有排瞓的呀，因為我真係好累呀？！真係好想可以瞓返夠呀~~我估我總有機會的呀，但係一定唔係今日law~~

起身之後就開始做我既FMC，但係都係write左少少咋~~希望過兩日可以做埋佢啦，因為份下星期就要交喇~~之後夠鐘就出左吉島搵埋kitman同多多食野，and then溫ethics，但係你千奇唔好問我，溫過d咩呀？？因為我都真係唔知溫過d咩入腦law，聽日都唔知點死呀~~

多多在溫書既中途已經話頂唔順唔溫喇，咁佢就做下FMC先，依家距離我地十頁紙既目標仲有七頁紙左右，應該冇問題，我地應該夠料做埋佢的，只係諗下我地用唔用得晒d料姐，heehee~~

唉....不過最激死既並唔係，唔知溫過d咩入腦，而係我見到人地做既野，我真係想打死佢呀？！人做野佢做野，我真係想問你有冇腦的呀，唔該試企在人地個邊諗諗丫~~三年喇，唔好同我講唔識點去present law，呢個完全唔係一個可以原諒既理由law~~我忍你唔係我驚你，而係我唔想我份功課胎死腹中姐，如果果時唔係話要有四至五個人一組，我一定唔會同佢一組law~~好彩今日睇佢份果時，都可以話叫做溫完ethics，如果唔係我一定冇心機去溫law~~

不過我今日成日都有意冇意中俾多多同kitman串我呀，不過都係玩下姐，我都冇咩所謂~~但係我今晚見到個我唔知好唔好見到既人~~算啦，話左唔提的~~

呢期幾鍾意呢首歌既詞~~

愛與被愛

F 兄妹般關係 萬勿暴露情感
待我好 畢竟真的太笨
抱緊你 只恐加添責任
回絕你 惟恐孤單要忍

M 知道不可能 我也有權愛慕
無論智慧永遠次人一等
陪在你左右得到單戀的毒癮
你怕我浪費感情 無用費心

M 無論愛跟被愛 F 誰也沒有自由
D 感動過其實更難受
M 完全奉獻不論薄酬 F 慚愧地在托著頭
D 用愛換來內疚

M 大無畏單戀至死不會後悔
仍然麻木送贈你感情未悔改
M 我已著呆 F 怕你著呆
M 我拼命愛 F 我怕被愛
D 殘酷得不忍去離開
F 沉悶時也有個人總會願意
給我被愛感覺為我跳落海
F 這個月台 M 我踏入來
F 愛與被愛 M 都算慷慨
D 自責半分鐘後來 我也得到半滴愛

F 兄妹般關係 實在故弄玄虛
被愛的 開心得很畏懼
M 盲目去傾慕得到單戀的樂趣
愛你會令你憂愁 寧願後退

*M 地球上一位送死一個內疚
原來同樣也為了感情未看開
M 我已著呆 F 怕你著呆
M 我拼命愛 F 我怕被愛
D 同樣拉扯中跌落海
F 平淡時與你往來一個越愛
一個越會感慨就當我活該
F 這個月台 M 我踏入來
F 愛與被愛 M 都算慷慨
D 但至少一起扮呆 錯愛畢竟也是愛

M 無論愛跟被愛 F 流放在這地球
D 怎樣愛同樣要承受
M 誰人做塊堅硬石頭 F 能夠寂寞到盡頭
D 但我未能自救
REPEAT *

今日又係我返工既日子，因為今日返學都係返果一個鐘，咁不如返下工好過啦~~但係我個人真係好鬼累呀？！因為我連返左四日早喇，可能你會話四之ma，係咪真係咁累呀，但係如果日入面你都係要行來行去的話，我估你唔會咁講law~~而且會考又到喇，朝早patrol真係好辛苦的呀，因為15分鐘即收野丫ma~~真係做死人的呀~~

有時我都係真係唔知係自己要求高定係點呢？？真係睇唔過眼d人咁做野的呀~~不過我都係當睇唔到算啦，我諗咁會好d既~~今日見到丸仔，同佢講開星期五singing contest既野，突然間丸你問左我一個問題，我係咪可以接一個年紀細過自己既人呢？？我即時O晒咀，我覺得我係唔會的呀，但係我諗諗下，佢好似係細過我的woo~~(但係我又唔肯定，最衰唔識個邊department既人.........)不過我都係覺得算吧啦~~我只係希望同佢講到一句說話都好好的呀，幫佢打下氣都已經好開心的呀~

收工既時候，個電話都已經冇電嫁啦，但係d人就係咁打來，次次都係咁的呀，忡係在人地電話冇電既時候，就係咁收到雷話的呀~~

我都仲未同阿媽講染hair，不過一定係同佢嘈的呀，但係都冇詁的呀，依家個頭點見工呀~~我到依家都仲未有去瞓既意慾呀~~可能係個人累得制掛~~

打住咁多先啦~~

今日又要講聲"生日快樂！"，因為我今日係我阿媽既生日~~阿媽佢地就一早入左長洲，我就去左返工，日子都係咁過姐~~

返到公司，俾我發現左原來少左個人返工呀？！所以我就call左阿妍返工喇，幾好丫，又有人可以陪下我喇，heehee？！不過今朝都幾難捱的呀，因為今日行返十五分鐘收野，所以各位都辛苦晒喇~~不過都好彩的呀，今朝唔係我patrol，但係都要幫下手咁law~因為我地果層超位丫ma~~

不過今日大致上都可以既，唔算話太多人，不過下午就有少少失控姐~但係最恐怖既都係差唔多收局個時姐，突然間來左好多傻人呀，真係傻得好完全的呀，真係有d以為係青山open day呀，如果唔係點解會有咁多傻人，不過都好彩的呀，唔係細梁返，如果唔係死得人多呀~~

收工既時候就同左阿妍去食飯同食ice-cream，我地去左食拉面，入到先發現係上次同kitman在尖沙咀食果間，不過都係上年既事喇~~之後去左time-square食ice-cream，果間野係新的呀，因為我今日在公司睇到《新假期》介紹的呀，都可以丫，唔係話好甜，啱晒我呀~~

講開睇雜誌，我今日睇左上星期果本《fashion & beauty》，睇到佢果既星座運程，講我果個好似中中地woo~以下就係講既野~~

整休運：週三，你現時無論在公在私都形勢大好，安全感大，心情大好，週五，工作上會遇到一些小麻煩，幸好你眉精眼企兼鴻福齊天，很快便能沤危難。

愛情運：週四五，你終於看清楚自巴對感情及異性方面的要求，祈望明天會更好•

我覺得有d野好似啱啱地既~~

今朝一早就俾人complaint喇，其實我都預的呀，因為果個人唔服我收佢野，咁我依正手續去做野，你要complaint既，請隨便.........

食完飯之後，我就開始發下白日夢咁喇，都發得幾開心的呀？！因為我諗緊如果我生日果日有人拎住一束好大既花or好大隻既公仔接我收工就好喇，咁當然如果係我男朋友既就更加好啦，但係如果係有fd咁做的話，我都會好開心的呀，你話係咪一早就發夢丫~~有時發下夢開心下都幾好的呀，heeheee~~就咁就過左一個好平凡既下午喇？！

直到收工既時候，我既心情都係幾好的呀，一來仲回味singing contest啦，因為今日有個讀者既電話鈴聲係果首歌~~二來就回味緊我既白日夢~~直至去到金鐘，見到今日既壽星仔等緊車，咪打下電話俾佢講兩句啦~~

點知佢以為我打俾佢問某人既近況，但係佢就不斷暗示，我唔好再問佢既野，佢亦都唔會再搵我的呀.........聽完之後，個心真係好痛呀？！咁多年既友誼，兄妹，就咁唔知咩事，不了了之，我真係想知發生咩事law~~

成程車我都係好開心，但係多多講得啱既困左自己入一個牢入面都成十年喇，係時候要放返自己出來嫁喇，我唔係唔想，我亦都有嘗試過的呀？！但係我真係冇信心會做得到呀，因為都成十年喇~~我亦都有試過去搵過另一個target的呀，但係果個"心歸"的人(唔知係邊個可以問我的)，結果咪又係一樣，依家咪又係如同一個陌路人？！我真係唔知可以點做呀~~我都想有新嘗試，但係我真係冇信心喇~~但係一個係咁，兩個又係咁，我唔敢想像朱古力會唔會都係咁，我怕我真係接受唔到呀..........

我依家仲有一個多鐘既時間俾我唔開心，因為我promise左阿囡(kitman)同多多，過埋今日就唔可以再俾呢個人令到自己唔開心~~我希望我真係可以做得到啦~~

雖然尋晚成兩點先瞓，但係今日返工個人都好醒呀，但係最死既係我個胃唔聽話，其實尋晚己經係知唔妥的呀，但係今日好似serious左，想點呀？？

今朝因為有同事冇返工，所以我要counter，成朝行來行去，到食飯先，我竟然冇胃口食，仲要係冇意慾去食law，最後我都只係食左1/3個飯盒到啦？！點知一食完就開始覺得痛喇，真係唔知想點呀.......之後1400開始我就要開始shelfing，我都叻嫁喇，清晒d英文magazines，做緊野既同時，我就唔覺得有任何既痛楚，但係當我一shelf完之後，一坐低個人就覺得好累同好痛喇~~之後仲要走左上十樓幫so小姐整野，返到4樓，個電話就不停地响，真係做郅人都癲呀，d人係咪傻的呀，都唔明d人借d咁舊既magazines做乜.........

之後放工個時，同多多傾左陣電話，我都係，係咁俾佢串我law，真可惡呀....不過算啦，其實都預左俾佢串的呀，heehee~~拎埋d野就返屋企喇~~