無錯又係講聲"生日快樂"既時候，點解？？因為今日係我個妹既生日law，哈哈~~

今日要著suit返學呀，點解？咪就係因為我地要影畢業相law~~但係唔知點解今年影相既時候，冇左個種興奮既心情，完全唔似之前咁law？！我仲記得個時話影畢業相係一件好開心既事來的呀，仲好期待的呀~~但係真係唔知點解今年，冇左果個心呀？！可能係個人大左，心态都唔同左掛~~講真個句，依家覺得畢業係一件正常既事，冇咩咁大不了！！只係得一不過依家係覺得要畢業就一定俾心機捱埋佢~~

今日account派test，我依舊都係求合格，可能有人會覺得我要求低，但係有時要求高，最後又做唔到的話，反而令自己唔開心啦？！而且依家合格對我來講都係一件難事，所以合格到己經好叻的呀~~哈哈~

返學返到屋企成個人都好累呀，尤其係對腳呀~~真係有d想死呀，呢幾日隻腳都己經痛痛地嫁啦，再加埋今日.....好彩聽日presentation唔使著suit咋，如果唔係對腳唔使要的呀~~

係時候做埋份功課先喇~~

今日係我細佬同阿妍既生日，在此講聲"生日快樂"先~~

今日返到公司個人好累呀，其實我成個星期都係咁的呀，但係我都唔知點解會咁的呀~而今日圖書都ok多人呀，仲要區小姐心情唔多好woo，成朝都面黑黑咁，都係要好自為知喇~~

不過我今日都好叻的呀，總於入左一個F file，因為呢個file hold左我好耐的呀，唔係冇時間入，就冇機我用，趁今日冇人同我爭機，而書庫都ok多，好快d入喇~

不過今日patrol就麻煩d，點解就冇謂多講喇？！總知呢期都會係咁的呀，除非唔係呢批新人啦，咁就會好d既~~

收工個時，原先係諗住返屋企的呀？！好彩我屋企早出聲，咁我就搭左另外一架車出去食飯，因為今日細佬生日，以往就叫pizza的，今年就去左打邊爐，因為工廠區個時開左間新野，咪去試下law~~我地一家四口食左三舊水，我都覺得好勁的呀？！同埋我覺得佢唔係好油的呀，平時既我食完之後一定會肚痛的呀，因為太油，但係今次出奇地冇呀~~哈哈~~

返到來沖完涼，上左陣網去瞓喇？！聽日帶阿二小姐去interview，因為知道adecco又請人丫ma~咁佢又話唔知搵咩做好，又話想做下圖書館，咪是但law~

今日如常地返工，但係今日都唔知係咪d客有問題，係咁complain，個個埋來都係話佢地态度有問題，又話佢地做野唔得，我都唔知可以俾咩反應呀？！因為态度呢家野好主觀的呀，你覺得有問題，唔代表真係有問題的woo~~可能係因為返得耐左，見d咁既情況成日都有，都已經麻木晒lu~你要complain既你就投到爆啦，都阻你唔到嫁啦，我依足程序做我要做既野，咁你覺得有問題我都冇計的woo~總知今日就未停過啦，通常PH有backup的話我都會係冇時停的呀，都唔知點解次次都係咁的呀~最攪笑都係一朝返到去，so小姐同我講有人頂阿yee個位，叫我教佢野？！我真係呆左law佢咁講，阿ming今日有返工，呢家野梗係搵返阿ming攪啦，我先冇咁傻~~

其實今日成日都諗緊d好冇謂既野，因為之前有好多fd都話我唔同左好多？！但係我又唔知唔同左d咩，同埋冇人同我講過我既改變係改好左定係相反左呢？？我今日諗諗下，我又真係好似change左好多？！好似話我中學果時，做每樣野都會好上心，但係反觀依家，每樣野都係指望做到冇錯就算嫁喇，我都唔知係好事定係壞；又好似我以前都冇情緒化的呀，但係唔知點解自從我讀左IVE，同埋返左工之後，個人既情緒都好似有d問題咁呀，我知呢樣野既改變，一定唔係好事；又好似我之前都可以話係一個幾硬淨既人來的呀，但係依家既我就.............我諗仲有其他的呀，但我又真係唔太清楚改左d咩呀，可唔可以有人話我知呀？？

我都唔明點解有d你當佢係fd既人，依家見到面都只係好容氣咁打個招呼，多句話都冇呀？！難道真係可以冇野好講，我真係好唔明呀？！

其實仲有好多野想講，但係又唔知點講，又唔可以講d咩，都係算呢啦？！組織到先再打啦~

今日一朝早就出去喇，去邊度？？今日約左kitman，多多同阿lui傾下d功課~~

先係我地三個人傾FMC，因為我地三個人一組，咩都未做過law，但係我地都傾出左個共息喇，依家只係欠d英文姐，不過傾既中途真係有d想死呀？！因為我地follow miss果guideline做，但係好多野都唔使理同埋都唔知係咩law，所以我地都係決定打俾miss問，之後發覺好多都唔使做law？！但係都算好的呀，起碼我地依家知道個flow係點，等我得閒寫埋d英文先得~

之後等阿lui來到，我地就開始傾ethics喇，但係見到份野就想死呀，點解咁講？？一來係我地係第一組，唔知個flow係咩，而且我地冇人可以問到law；二來係我地都唔想做law，所以我打左俾阿智問下佢地班點做，之後先有返d idea點做，而我地都好快諗到我地個flow應該點做~我覺得今日做功課既進度都尚算可以啦~起碼我地有頭緒點做先啦~

做完晒所有野之後，原先諗住行陣的呀，但係最後都冇！因為我冇心情而且好多人，我諗我下次都係自己一個人慢慢行好過喇？！都唔知點解呢幾日自己都好似悶悶不落咁，可能係距離果日既日子仲冇幾多日掛，所以攪到我既心情都係忐忑不安，始於都係受到影響，幾時可以將佢忘記呀........

目前既除左錢，係會引起到我既注意之外，我諗都冇的呀？！因為我做野果時可以忘記所有我唔想記起既野~~

今日係我難得一日既假期，因為平時就算我放假都唔會有咩好做的呀？！原先諗住今日出去做功課既，但係我阿媽就話難得成家人都放假，我就自己出左去，所以我最後都係改左期做功課，話晒阿媽得一個，咪順下佢意law，而且我都好耐冇同過佢行街，咪當係做下乖女law~~

但係唔知點解我同我阿媽始終好似欠左d野咁，因為今日我阿妹要補課，所以佢放學先來join我地，咁在我個妹來之前，我阿媽都好少講野，就算我了佢講野，都好似冇咩反應咁，真係唔知點解會咁的呀，但係到我阿妹一來到，我阿媽就多左講野......我唔係冇試過的呀，我試過多同我阿媽講野的呀，但係始終..................

唉..........點解會係咁的呀？！試我就試過，但係果結果都係咁~~至於佢，我真係開始有d唔知可以點同佢相處呀，可能係我自己既問題掛，希望過多排會好d啦~