今朝同kitman去左睇《犀照》，我覺得個故事都幾好既，不過就一d都唔驚嚇law~~但係都好難有一套戲會令我覺得驚的呀..........睇完戲就返學喇，d時間岩岩好，明明都訓左好耐嫁啦，但係都係覺得個人累的呀..............幾時先有得休息呀？？
不過放學個時收到壞消息，我第四果個姨丈岩岩過左身，我聽到之後都呆左，都唔知可以有咩反應，只係知好突然？！原來佢係今朝在西灣海出事的呀，只係突然間覺得呢個地方好恐怖，日日我都在果度附近返學，但係竟然有親戚在附近出事，真係唔知可以有咩反應呀！！聽我阿媽講返，話我姨丈今朝俾架大運油躉船撞到，因為我姨丈係打魚的呀？！撞船之後我表哥同姨丈都跌左落海，我表哥就撞到隻右腳，好似話都好嚴重下，有可能行唔到，依家在東區醫院；但係我姨丈就去左，最慘既係搵唔返全屍，我聽到真係成個人呆左呀？！不過我姨媽都仲未知唔係全屍的呀，因為個個都驚佢接受唔到~~我只係知依家個腦一片空白，唔知可以做咩？！聽日我阿媽一早都出去幫下手，我聽日放學都會睇下有冇野幫到手.......
不過在呢件事之前，其實我姨丈個姐夫都係因為撞船出左事而離開左的呀？！不過佢就全屍，而我姨丈就.........講真我都有d唔係接受到的呀？！雖然我都唔係成日見到佢地，但係佢都係睇住我大的呀，咁我都係人來的，都係有感情的呀？！但係我又做唔到任何野，希望我姨媽可以捱過呢關啦，因為佢地結左婚咁耐一直都好好的呀，一時間就咁冇左，而佢仲要有血壓高同糖尿，隻腳又唔係好行到，真係希望佢可以捱得過啦~~
不過我唔知係唔係心理作用啦，我今日硬係周身唔自在咁，而且今朝成朝都訓得唔好，但係我發覺每次身邊人有事發生的話，都會係咁的呀？！但係我都有d唔放心我阿媽的呀，因為我阿媽係一個眼淺的人，而且佢依家都唔係好接受，因為我姨丈同我阿媽都係由細玩到大的呀，但係依家就咁死左，仲要搵唔到................
依家個腦一片空白，唔知可以做d咩.................
| 
