今日返工勁冇mood law，一來係自己本身都好累的呀，再加埋個天氣，成日係咁落雨，真係攪到個人冇晒心情，至憎就係咁的呀~~不過都好彩下午有阿勝同阿女係咁同我sms，如果唔係都唔知點算呀，一定瞓著都得呀？！跟住俾隻豬話我係咁send msg，當然係講笑咁啦，係咁話我send得咁快，我邊send得快丫，有人仲快過我呀..........
總於等到收工喇？！有人原先諗住陪我過灣仔，點知個如意算盤打唔响，哈哈~~因為我約左阿妍同我一齊過灣仔等家姐，變左就成程車係咁send msg喇，哈哈~~過到去因為時間太趕既關係，就叫家姐買左個包包俾我同阿妍食就算喇~~但係在等家姐既途中，俾我地撞到Fiona同方大同呀，講真方大同真係十分之唔起眼law，至於Finona就企在我地隔離按錢，其實都唔係好高姐，都係高我少少之ma，佢以為我地睇佢唔到，咁我地咪又扮傻睇佢唔到law~~
入到埸，原來都好近呀，睇得好clear呀，勁開心~~可惜HCC唔係好舒服，所以未能唱到佢最好既水準，但係我都係覺得佢好勁呀，因為把聲都沙晒咁制啦，佢係咁唱勁歌，就算係靜既，都係要勁唱高音位嫁law，雖然唔舒服，但係都唱到高音呀，真係好鬼勁呀？！同埋佢隊band都好勁呀，玩晒中西樂，真係人都癲呀~~不過最正都係睇跳舞(break dance，唔知有冇串錯字)，真係好鍾意睇人跳舞的呀，好型的呀？！
不過我估最開心都係Y文的呀，因為尋晚係佢既生日，我地成個埸同佢唱生日歌，超感動law，有人咁樣同我攪生日都幾正的呀~~成個show都好好睇，HCC一個人唱晒全埸，真係好唱得呀，開始鍾意佢喇，希望十月既演唱會，會買到ticket啦，我覺得都會好正的呀，但係都唔知到時有冇時間，同有冇人同我去睇姐............
完埸之後，就各散喇？！同時間我又開始係咁send msg喇，俾家姐係咁問，係邊個來的呀？！問到我口啞啞呀，都話係朋友仔喇，又唔信woo，咁想點先？不過我都好耐冇試過send mag send到電話冇電呀？！好彩都捱到返屋企，哈哈~~不過我都叻嫁喇，一入屋企就開始落雨喇，好彩早一步返到姐，如果唔係一定做左落湯雞喇~~~之後攪執好晒野，沖完涼，又開始再send msg，哈哈~~send到咁上下，就傾埋電話添，第一次同阿勝傾電話，都幾攪笑丫，感覺良好，起碼冇dead air先~~我只怕就係dead晒air唔知講咩......同佢傾到三點幾先去瞓，仲應承左0630叫醒佢添....好耐冇做過人clock喇，果時就成日都做~~~ | 
