今朝六點幾就起左身，因為想溫多陣，所以就校左六點起身~~不過成朝都落雨，真係落到個心都煩晒呀~~

真係唔知今日咩日子law，因為今日返0930，所以我可以搭村巴出到上環先再轉地鐵？！咁上到車都冇事的呀？！點知隔左一陣，竟然又俾我撞到我阿哥，但係我就坐在車入面，佢就排緊隊？！原先都有諗過同佢打招呼，但係佢.......所以最後都係冇打到的呀？！雖然中途塞左陣車，但係我都0850左右去到上環地鐵站~~點知又俾我撞到人呀，我在上環撞到阿勝，但係我冇行過去叫佢(其實我都唔知佢見唔見到我的呀？！)，一來我唔知佢認唔認得我，二來係唔知同佢講咩好，再加埋我想溫多陣書添，所以我最後都係冇叫佢的呀~~原先仲諗住冇機會見的呀，哈哈？！己經一早就撞到兩個嫁啦，點知我一返到去就撞到大佬喇，都唔知發生咩事呀，點解會咁的呀~~

今日考試一般啦，我估都應該可以合格既~~俾返FMC assignment，個分雖然唔係高，但係都合格丫，哈哈~~之後我就同埋多多，kitman返左入屯門食野喇？！原先我係想買數碼相機的呀，但係我都係未諗定買邊部呀，有冇人可以俾d意見我呀？？因為識我既都知我係一個電子白痴嫁啦，heehee~~

不過之後收到個好消息，就係我有得interview呀？！不過就好衰唔衰撞我考FMC個日，咁即係話我個日要著suit返去考試，真係麻鬼煩呀？！都唔知係好定係唔好呀...........個日約左三點，可以俾d時間我執返好d眼耳口鼻先interview，如果唔係我驚嚇死人呀~~希望可以一take就ok啦~~

今晚都係唔會溫書的呀，哈哈~~聽朝先開始同科FMC死過~

今日係ph，亦都係我返工既日子，但係好不幸地一朝早就要patrol，仲要勁多傻人來左圖書館，都唔明點解d有問題既都係來我地四樓的呀，真係想做死人咩？？十二點前都好少少的呀，十二點後多左好多學生來溫書，嘈到爆呀？！叫極都係咁，要吹水既就去第二度啦~~同埋真係好想問你地識唔識字的呀，明知唔可以坐既地方，都係要坐落去，俾人話又唔鍾意，真係唔明依家d細佬點訛野的呀......

LUNCH個時我就同Anna兩個人落左街食飯，好快就食完返上樓喇，因為阿妍返左來做backup，所以就快d返上去搵佢喇~~上到樓見到有招職同recurit，雖然係過左期，咁都可以睇的ma~~就係咁俾我見到謝偉俊律師行請secretary，咁當然係抄低d資料啦，因為我真係想做secretary丫ma~~哈哈~~

食完飯之後，就開始好忙喇？！原先諗住可以溫下書咁啦，點知so小姐就係咁行來行去，咁唯有做返工事喇~~但係果幾份野都好complex，好彩今日係大梁返工，所以我就係咁出去問野喇，每次出去都要成個鐘先返到入做野呀....

之後到四點幾就有cake食，因為聽日係阿fred既生日，咁阿娟就整左個cake返來，真係好呀~~攪到我真係好想整cake呀~~考完試我一定要做先得呀，哈哈~~

聽日要考Audit喇，但係我依家個腦都係一片空白的呀~~~今晚都唔知溫到幾點呀~~都係時候加油喇~~

唉~~今朝想瞓多陣都唔得，因為我個一朝早就打返來話佢漏左野，問我點算，真係俾佢激死呀....你問我都唔知可以嫁，最多咪第二日拎返去law~~~難道你想我拎出來俾你呀，你發夢啦，除非我要返工啦，如果唔係一定唔會咁做law~~

之後就到kitman send msg俾我喇，因為佢今朝一早就出左去見工，咁佢見就話我知，隨便約在邊度等？！最後我都係頂唔順，瞓多陣先捨得起身，因為我真係好累呀？！最後我都係遲到既，我地就去左delifrane食野，真係好耐冇去過喇？！但係我覺得HKCL果間好食d law，不過是但啦~~食飽飽就返入天水圍溫書喇~~

今日既進度幾好呀，成功睇晒所有tutorial，希望一陣有心機開始背下野啦~~不過今日有個好消息，我都唔知係好定係唔好喇，因為我今日收電話叫我去interview，但係好衰唔衰撞左我考試果日,，咁果個人就話可能下午都仲有一輪的，但係就未知係唔係，要later再打俾我？！希望佢冇昆我啦~~

今晚要加油~~聽日要返工~~

今朝一早就起左身，因為我個妹今日要去HKCL做training，所以就起身打俾佢，睇下佢去到未啦，點知個衰妹就捉住我，叫我同佢傾電話，咁就同佢傾到十點先收線，之後就起左身喇，咁就開始睇下d notes咁啦~~

之後就等kitman入屯門食飯再過天水圍溫書，佢就好啦，聽日有得interview，我都想呀，我send左好多封resume出街的呀，但係都冇任何response的呀，真係激死人呀！！我真係希望可以考完試就有工返的呀~~希望快d有人打俾我叫我interview啦~~~在出門口之前，我睇到阿勝個diary，知道佢有野發生左，我估佢都一定係好唔開心的呀~~雖然我好想send sms俾佢，但係諗諗都係唔好喇，因為我估佢都一定係好煩的呀，都係later先啦~~

接住就出門口喇，因為kitman到左喇~~我地去左食味千，好鬼飽呀~~食飽行左一陣就返入天水圍溫書喇，我就發揮左我既小宇宙，在短短兩個幾鐘入面清晒所有audit notes喇，比我預期中仲要早多左一日呀，咁我聽日就可以一心一意咁睇tutorial，同埋背野，真係好呀~~

不過接住仲有d好開心既野呀？！係咩事.......就係當我地落左元朗食飯既時候，我買到一隻cap帽，好鬼靚呀，個男sales仲俾多少少discount我呀，真係好開心呀，哇哈哈~~之後佢又話依家做promotion，只要買夠百五蚊，就可以送多一隻cap帽，仲可以綉字上去添呀~~完全我choice左黑cap帽的呀，點知綉綉下，部機有問題，攪到衰左~~咁唯有再choice過隻白色的呀~~而上面就綉左我自己個名上去呀，好鬼靚呀，好鬼開心呀~~個sale仲話下次我再買野，記得搵佢，佢一定俾discount我的呀~~哈哈~~~真係好鬼開心呀~~哈哈~~~我有諗過買俾七月生日個兩個fd呀，其中一個我就知佢會wear帽的，但係另一個就唔知，等我遲d問下佢先~~

希望所有唔開心既野遠離我同埋我d朋友仔啦~~希望大家都可以過得開開心心~~各位加油呀？！

今日如常地返工，心情都好返d喇，可能真係開始學識如何放低同諗得開，而且我唔想迫自己入左一個死角，咁樣好辛苦的呀？！我之前己經迫左自己入死角成十年喇，唔想再係咁呀~~況且我絶對相信，我唔會冇左邊個而生活唔到既，平時都係咁生活嫁啦，係咪先？？

講返今日返工先，我都覺得我好叻的呀，因為我今日先用我有限既普通話加body languages去serve一個大陸客；接住諗住去serve個賓賓啦，好自然你會suppose佢係講英文嫁啦，咁我咪用英文問佢有咩可以幫到佢law，點知佢用廣東話同我講，話唔識聽英文，即時"O"晒咀，咁咪轉返廣東話同佢講野啦~~Serve完之後，有個鬼婆走左過來問野，咁佢可能見我用中文同佢賓賓講野，佢第一句就問我識唔識講英文，我都呆左，咁當然係話識啦~~真係俾佢地玩死呀，一朝早就要人用多國語言，好彩唔係尋日，如果唔係都唔知點算呀~~因為我尋日都唔願講野，哈哈~~

不過今朝返工個時皮膚有少少敏感，死人kenny話人地有咖喱雞，真係激死人呀？！把口成日都唔收，衰到死~~唔覺唔覺就捱到收工？！收工就自己一個人行左過CB，原先係想買褲的呀，但係我又睇唔啱，最後都係買件polo，都好過冇丫~~之後就搭車返屋企喇？！個人真係好累呀，上到車就瞓到落車，但係個人依家都係好眼瞓咁既............

聽日又入去溫書喇，希望可以聽日清晒啦~~哈哈~~

我同佢要劃上一個句號喇~~