今日係我返學既日子中最後既一堂喇？！如冇意外我都唔會再有機會讀書的呀，除非係自己補course讀啦~~開始有d唔捨得返學既日子呀，真係好唔明呀，讀左廿年書，都唔知為左d咩咁既，你話為將來做野咩，我一定唔係law，因為我都冇諗過搵返會計呢行，真係唔知為咩要讀咁多年書....

今日返去上埋最後一堂既ethics同fmc！依家先開始識驚話ethics唔合格，不過我估唔會有事既~~,到FMC果時再次講下考試既tips，都幾好的呀~~哈哈~~希望我可以成功pass得到啦，我唔想令自己同其他人失望呀......

放學果時原先諗住去睇singing contest的呀，但係到最後都係冇去到......都係算啦，佢都冇份去比賽(希望真係冇佢啦......)之後就叫左多多同我去三聯，今日有收穫呀，仲要好抵呀，因為全埸八五折，買左兩本都只係一百蚊咋~~好開心呀~~接住就同多多返屯門行左陣喇？！竟煞俾我地撞到cyrus呀，見佢好努力咁sale緊客呀~~今日我真係多收穫的呀，因為我又買到野的呀~~真係開心喇~~哈哈~~不過最攪笑都係差唔多走個時，我又話行入商務睇下野先啦，點知又俾我買多左本書呀，不過唔緊要啦，今個月都冇買過野俾自己，咪當呢幾本書係送俾自己嫁law，不過我希望我忍到手，考完試先開d書來睇啦~~~

今晚心情唔係咁好，我都唔知點解會咁的呀？！可能有d野未敦得低，所以都仲係care一d野，不過都係唔好諗咁多喇，考完個試先再算吧~~不過都好彩依家晚晚都有王喜睇，哈哈~~~始於佢都係我既至愛~~哈哈~~~

因為同Ricky調左更，所以今日要返工，不過今日返工都好平靜~~但係因為近日有人放左段短片上網係講有人在圖書館打車輪的呀，攪到d老細係咁落來睇呀，因為好似話有在newspaper講呀，所以攪到好多人都知~~d人真係冇野好做呀.....人地打車輪關你咩事丫，攪到我地做patrol既又唔可以點蛇喇，真係麻煩呀.......

放工就返屋企喇，可能未病好既關係啦，個人都仲係好累呀，所以一上到車就瞓到落車喇~~但係個人都仲係好鬼累呀，真係想可以瞓多陣呀......

頭先睇左某人既diary，見到人地咁幸福，我都想有個對好好既男朋友呀~~可能就到考試，冇型中俾左pressure自己，所以好想身邊有人support下自己~~再加埋呢幾日細佬又同我阿媽嘈交，我真係就來頂唔順的呀.......

啱啱聽到kitman話佢出年可以繼續讀書，真係恭喜佢呀~~你要好好珍惜埋呢幾年呀？！我就前路芒芒，話就話我會搵野做，但係我都唔知幾時搵到呀....希望可以在我生日前搵到啦~~~不過依家最緊要既係攪掂個考試先~~~

打風喇，又係打風季節喇，真係好唔鍾意落雨呀~~

今日成日都stay左在屋企，原先係諗住溫書既，但係我都只係溫得三課書，你話點死.......可能係啱啱好返少少啦，個人都仲係有d唔舒服~~

尋晚睇左王喜呀，好型呀~~

唔知有咩好打，係時候再溫下書先喇~~

好慣常我星期六日都係冇打diary的，一來係因為我放工返到屋企都己經好累喇！二來係通常收我都唔係即時返屋企的~~

好似今個星期六咁，我就同左阿妍去睇《MI3》，我覺得都可以丫~~之後就去左食野，接住就散水喇，但係唔明點解次次同阿妍一齊總係要我追車的呀~~~到星期日返工，完全係死左，因為我口嚨痛到爆呀，但係我己經有食消炎藥的woo~~所以收工就好乖咁返左屋企，因為個人好累，同埋唔舒服都唔想四圍去...........

到尋日就一朝早去睇e生，因為我真係頂唔順呀...........點知個e生同我，話我口嚨同扁桃腺發炎，真係"O"晒咀呀，次次都係咁，一係就唔病，一病就病woo甘既，都唔明點解會咁的呀~~之後就等多多同kitman過來我個邊hair-cut，我地三個都叻的呀，一次過做晒髮型屋應該有既services，一個做color，一個做負離子，一個電，你話我地係唔係勁先~~~之後kitman約左佢阿媽所以就走先，之後我就等埋多多先走人，我就約左人睇《silent hill》~~

出到去先搵秦先生拎ticket，佢話我個樣惡左呀做完color之後..................講返套film先，如果未睇就唔好睇喇，好唔得呀..........睇完film，同mama，蛋蛋食完野就閃人喇~~返到來上左陣網就瞓lu~~

今晚要睇王喜，heeheee~~~

係時候講返之前首歌喇，其實係古巨基既《當年情》，今日未諗到放咩歌，唔放住啦今日~~

救命呀？！究竟d手手腳腳係唔係自己的呀，點解可以痛成咁的呀，好似尋晚做完勞力咁，係超痛呀~~聽日仲要返工呀，都唔知頂唔頂得順添呀..............

今日返去都係為左交功課咋，如果唔係要返去交FMC，我估我係唔會返去上ethics的呀？！因為真係好鬼無聊的呀...........上完堂就去左print past paper，但係我今日都仲係未執好我d notes的呀......print好晒就去交功課喇，隨便同miss吹左陣水~~~好攪笑的呀！！

走既時候，突然間好想行街，咁咪捉左多多陪我返吉島行左街~~~佢就大豐收啦，我就咩都買唔到~~仲要好反常地入到書局係佢買到書，而唔係我law~~

我只係知我依家成個人散左咁呀，兩隻腳都超痛呀....................

係時候開估喇，尋晚post個首係何韻詩既《願我可以學會放低你》~~

今晚我會post下面呢首歌，大家又估下啦，呢首歌應該多少少時間估的，因為我估我聽日都係冇時間打diary的呀~~

能見你哭的多數是我
讓我擁抱伸手救助
隨即去通宵唱歌

無數的銘心刻骨經過
十次佳音一起慶賀
隨手機分擔過痛楚

而當初　值得想起太多
時代正像你親手分給我
結伴去闖過

＊榮幸共你做老友　(多得這一個好友)
　從小深交的真少有　(一生也想擁有)
　從頭被你認識透　(一早都給看透)
　我若皺眉頭　你便說原由
　這樣的好友　(有一個都足夠)
　能夠識一個(都夠)＊

能罵我弱點得你一個
是為我好的不必怯懦
唇齒相依不怕過火　(多得這救助)

而當初　換拖友比較多　(讓我精彩過)
沿路看著你身邊的一半　(一起經過)
正是我一個
REPEAT＊
也許　有一天　你已婚事業榮遷
轉眼來年　你共我亦已改變
REPEAT＊