生日前夕，心情都唔係好好，點解會咁，我真係唔知可以點講呀........可能係自己既問題啦~~我諗我都係要學識"事不關己，己不累心"？！

今日lunch同左阿媽(Jackie女)，家姐食，都幾好的呀~~好耐冇試過同Jackie女食飯喇，同埋同佢地食飯可以暫時忘記d唔開心既野~~

返到上公司就唔想再提喇，總知日後既時間，有野唔好問我喇，我只係一個part-time sb咋，一星期先返得個兩日工，咩都唔識的呀~~~

放工之後就約左阿女去食飯，我地去左間cafe食飯，都幾好丫~~之後我地就去左世貿打機，then超趕咁去到灣仔碼頭搭船過尖咀~~原先想買酒飲的呀，但係因為個胃唔多舒服，所以就買到喇~~之後我地就由碼頭行到去紅ham，搭車就走人lu~~

就咁一日~

今日係我返工以來做野最慢既日子，因為我知道，做咁快係冇好處的呀~~一來係攪到自己同Macro都冇野做；二來係會俾佢地話我做野做得太快~~所以我今日就試下用最hea既speed做野喇，我發覺我都可以做野做得咁的呀，哈哈~~不過最死既係梁小姐，十二點三走出來叫我今日內清晒d信，清唔係一個問題，最大既問題係十二點半折郵呀，而當時係有廿幾隻的呀，仲要有d係要寄掛號的，真係想玩死人咩~~

之後lunch就同左Doris同Anegla一齊食飯，佢兩個講左好多野我知呀，咁當然我都知有好多野聽完就算嫁喇？！不過有d野佢地唔講我都sense到，話晒我都係一個醒目女來的，heehee~~今日我CO同我講"預祝我生日快樂呀"，哈哈~~

收工果時就過左旺角同魚魚，MeiLing，Henry食飯，其實我地都好耐冇試過咁樣食飯喇，今日去左一間叫"Califormia Pizza Kitchen"，d野食都可以啦~~但係我buy佢個環境多d~~食完就各散~~但係唔知點解返到來就肚痛喇~~

今日返到公司就想死喇，因為我尋日好醒咁做埋今日可以做既野，攪到我悶到想死呀，成朝係咁問有咩可以做，就算有都唔敢咁快做晒，因為做晒的話，下午就冇野做，真係唔明點解要咁........到下午食完飯之後，又要等阿Dick用完個file，我先入到機~~又係一個字"等"~~

今日老細請食糖水呀，因為佢升職呀？！之後Doris話我勁，因為我入左去做一星期左右就見到大執位；兩個星期後就老細升職，請食糖水，哈哈~~~

原先一直都好開心的呀，但係收到個sms之後，再加埋另一個消息後........年年生日都係咁，上年係咁今年都係咁~~都唔明點解梗係要在所有野plan好之後，就會有人臨時話唔得的呀~~係唔得既不如你早d講啦~~真係攪到好冇mood呀........

頭先返來個時有諗過反正生日個日都係夜晚先有野做，不如去電髮啦~~但係啱啱收到阿媽個sms，知佢入左院，反正我都冇野好做，好就等我去探下佢啦~~~

在此先要同阿勝講聲"生日快樂"先~~希望你早日定到你自己既目標啦，哈哈~~

由於今日有interview，而Macro要去幫手做下帶人，所以得返我一個人~~其實都幾好的呀，因為我唔使諗我可以做d咩~~一朝早就做晒兩個人要做既野喇？！佢個死仔就行來行去，不知幾咁得閒呀~~

到左下午，就continue my job，不過我開始發覺自己唔舒服，開初都只係feel到頭重重咁，之後就開始feel到個好滾，但係個人係好凍的woo~~諗諗下都係食住panadol頂住先，但係一路就一路wingwing地咁，好彩都知d野唔急既，所以我都係慢慢做，睇清楚先做，哈哈~~至於Macro就慘喇，因為In人果個人實在係有問題的呀，明明一個in十分的呀，點知in左成個幾鐘，真係傻嫁，攪到夠鐘收工，Macro都仲未走得呀，因為當時都仲有一個人等緊呀~~

收工返到屋企沖完涼就走左去瞓覺喇，瞓到頭先九點幾先起身，食左d野睇左陣電視咁，但係依家都好累同眼瞓呀~~

今日如常地返工，但係個人就唔係好舒服~~所以今日個人都呆呆地咁啦？！到要入機個時真係好驚入錯呀，因為入錯好麻煩的呀？！而最大既問題係，Macro超眼瞓law，如果入錯佢有排幫我整呀~~仲要俾我發覺到個outstanding d data出左問題，佢己經要係咁check的呀~~不過最死都係d電腦呀，慢到想死呀，都唔知個system發生咩事，攪郅我地d機慢到好似死左咁呀.........

之後收工個時，多多過左來接我，因為我地今日約左出去食飯，多多買左個pluto砌圖俾我呀，勁開心呀？！之後就過旺角join埋kitman？！我真係想配返副眼鏡的呀，但係我又睇唔啱，真激死呀...之後就齊齊行街街，途中見到我msn隻雪豆pluto呀，真係好想買佢返屋企，但係我都係冇買到的呀，我諗我再買公仔俾自己一定俾阿媽罵死我呀.........不過我都有收穫，我買左條pluto毛巾，好靚的呀，哈哈~~

買完係時候要食飯喇，今日我去左一間叫Calefe Cafe既樓上cafe食野，其實整体來講，間野值得再去既，因為d野食同野飲都ok，不過types就少左d咁啦~~但係呢度d人真係好茄呢，我先問個女仔，你邊年出世，咁suppose你都係答我邊年嫁啦，佢好攪笑話我都係得十七咋，做咩呀，係咪同我占卜呀，係咁問野law~~好喇？！之後我地三個人打麻雀，個男仔走埋來問我地係咪打緊麻雀，我都"O"晒咀，咁佢話可唔可一齊玩，咁我地咪話冇問題law(其實佢係間cafe既職員)，明明我係好精神的呀，點知同佢打左兩鋪我就成個人謝左，因為佢係唔識玩的呀，跑馬仔都係咁停law...........見佢話唔玩，咁我地都埋單走人喇，咁個老細就問我地係唔係member，咁唔係既就即時填form，咁有一行係填花名，咁當然我係填FormOne啦~~點知佢見到就問我，係咪即係中一呀，真係叫中一呀，咁我地就話叫英文的.....佢就話乜咁得意叫自己做FormOne，我就答佢，你間鋪d人全部都咁得意，咁我唯有俾個咁得意既名你啦~~總知呢間野就真係好攪笑，下次可以再去下既，哈哈~~

其實我要瞓覺的呀，但係個頭仲未乾呀~~