其實我依家係想追求點樣既生活呢？？

日日係咁返工，只不過係星期一至五同星期六既返工地點唔同，同樣都係做一d好simple既野，但係我可以話我返full-time果邊開心好多~~起碼我覺得做得有价值，至於圖書館唔提也吧.............如果我搵到份好既，我就會閃人的呀~~

有冇可以話我知我為咩生活呀？？錢~~搵極都唔夠我還錢；情人~~都冇人要，點會係因為呢d丫；屋企~~識我既都知一定唔係；我真係唔知可以以咩為目標去維持我既生活~~~

開始厭倦依家既生活，因為冇意義~~

分手 VS 拖手

分手的意思是甚麼？即是兩隻手分開。聽落不是那麼可怕，各自歸家、Say Goodbye Say Hi、伸手撥頭髮、去廁所...........都會導致分手。

但當分手的反義詞是拖手時，分手就變得可怕，因為代表了肉體上、精神上、感情上的一刀兩斷。

分手和拖手同樣緊張刺激。

當初由想起又未拖到，到第一次拖到，兩隻手上的細胞初次契合，電流由手心貫穿全身，電流互通，兩人連成一體。

日子有功，兩手感覺變種，產生抗體，拖手？是條件反射動作，是預設了的行為，是例行公事。

面臨分手，腎上線素在幾秒內直衝心臟，剌激感覺猶勝當初拖手。

不過分手有點貨不對辦，因為這只是一個概念，分時，沒有拖住然後甩開的閉幕儀式；講分手，是靠把口，實質上，同對手無乜關係。

向來，行到分手這一步，都只因貨不對辦。

~~來自《CosmoGirl》~~

今朝一返工就撞到Macro同佢女朋友呀，佢仲要做埋阿四，幫佢搬野，真係好呀~~我都想有個咁好既男朋友呀~~~

今日工作都幾好，因為d時間夾得好好，當我冇野做既時候，就會有野俾到我做呀~~我地新既CO會在21/8來呀~~好似話係女的~~到時又可能新人士新作風，不過我都係做返自己姐，唔理咁多lu~~

如常地阿Ken都係不停埋來同我講野，不過我都係唔多理佢的~~但係有時我都會係咁同佢吹水的呀，因為我真係冇野做~~哈哈~~~

收工就返屋企lu~~個人好累呀，真係好想可以放假呀~~~

有冇人可以話我知，我去唔去畢業禮好呀??

生日快樂呀~~Shuki~~

今日返工超級勁無聊，因為阿Leung，Queenie同阿Lau都冇返工，所以今日我地係冇政府狀態~~哈哈，正常因為係好free既，但係我呢d犯賤既，冇野做就想死嫁喇？！不過都好既起碼今日可以光明正大咁去吹水，heehee~~

Lunch果時食左個好好味既米線，下次再要食先得，其實都只係叫外賣姐~~

收工既時候，阿fai過左來接我收工，再返入屯門食飯，去搭車個時撞到阿Ken添~~聽日一定又係咁問我野的呀？！不過是但啦，佢係咪都係會走過來同我講野嫁啦~~~

返屋企之前去左"按"錢俾家用阿媽，我都明佢既俾家用佢，佢都係"ee哦哦"咁既，我俾得你就當然我就用嫁啦，我都咁大個人啦，自然有分數嫁啦~~我細佬仲衰話我唔請姨媽食飯，我唔係唔想呀，而係我都冇時間，如果真係要的話，我要請假的呀？！個問題係如果我請左假之後，你話唔得咁我咪waste個holiday law~~~

今日返工遲到呀，我都唔想的呀？！因為在美孚塞車呀，攪到我成九點先返到去，不過我之前都有打電話返去俾Queenie講聲~~仲要係咁落雨，真係好鬼討厭呀..........

但係今日隻牙仲痛過尋日，超辛苦呀~~都己經唔係好想講野嫁啦，死人Ken都仲要係咁"了"我講野，真係好鬼煩呀？！之後Carmen問我中文叫咩名，點知死仔Ken一口就講得出，個個都"O"晒咀law，因為我都冇同佢地講過我中文係咩.....我咪問佢law，點解你會知的呀，佢話佢係睇簽名book的呀，真係服鬼左佢呀~~~到差唔多lunch個時想約埋我一齊去食飯添~~不過我都係冇同佢食，我同左Doris，Angela去食，同埋今日都冇咩胃口食野？！D藥都唔得既，食左都係咁痛，好鬼辛苦呀~~

唉~~d人真係有錢呀？！又話去日本，美國，仲話要買架車返來添呀~~仲有一個國際車牌呀？！Macro你好呀，十月去玩留返我自己一個人返工~~~你返來就知死，有排你執手尾呀，哈哈~~(P.S.大家唔好諗錯，Macro只係我既partner)

我又好累喇，真係隨時都可以瞓得著呀，我都唔知幾時先可以睇得完本書呀~~~