今日先似返d返工既日子丫ma~~點解我咁講，因為我今日不停手係咁做野law，哈哈~~可能你地會話我傻，有得hea都唔hea下~~但係識我既人都知我係一個唔可以停落來既人，所以冇野做仲辛苦過有野做呀~~

講返今日先，一朝返到去就先個sorting，之後就copy，filing，派野，寄信，收record~~今日我己經學晒最基本每日都要做既野喇~~等下個星期，我partner先教我其他野，好似話d system，我諗我下星期都係要帶本野mark住先~~我今日終於都諗到我partner似邊個喇，佢似我圖書館以前一個同事，不過我partner係佢既高版law~~

今日lunch帶左飯返去叮，仲同家姐傾左好耐添~收工就返屋企喇，其實工作量都唔係多，但係都唔知點解個人咁累的呀~~返到屋企瞓左在張sofa度，郁都唔想郁呀~~

聽日雖然係星期六，但係我唔係返圖書館，因為依家都仲係六月，所以SFAA果邊都係要返星期六的呀~~聽日又冇得早少少返屋企喇，因為邪軸話請我食飯，所以我都係會返一返去的~~

今晚都係要早d瞓先得~~

P.S. Miss Chan，你要小心身體先得嫁，你都係休息多d啦~~

今日第一日返工，大致上都冇咩問題，因為我都唔係做左好多野之ma~~其實某程度上都係幾hea的呀，係咪份政府工都係咁嫁呢？？不過我今日都係未認得阿水打阿水呀，所以俾file個時都俾到錯晒，真係有少少唔好意思添，heehee~~

Lunch果時自己一個出左西九食飯，途中打左俾kitman吹下水，不過我估我日後既時間都係帶飯既好，一來係唔知食咩好，二來係因為我仲未有pass，所以出入都唔係咁方便，咁既不如留返在office入食啦，仲可以俾時間我睇書添~~

收工既時候搵埋kitman就過去尖沙咀YMCA，因為今日果度有個function，係miss chan incharge的，原先我都諗住唔去的呀，但係諗諗下都係唔好喇？！因為果時應承miss~~我去到既時候，miss真係好開心呀，因為佢expexct我唔去的呀~~

去到我先知，我係第一個咁快搵到工既人law，好多都係等緊消息law~~我都唔係好快姐，heehee~~但係d阿sir，miss都出奇點解我唔係行account呢一行，講真如果我真係得既，我一定行，因為好paid，但係我自問我唔係law，而且依家呢份job話晒都叫做半份政府工先丫，又唔係辛苦，所以我再返埋圖書館都應詃冇問題的~~

八點幾走人，之後同多多，kitman食埋飯，就閃人lu~~都唔明點解去完YMCA之後，個人超累呀~~

今日係我返工前既最後一個holiday~~平時有假放我就叫晒救命，好悶好悶~~但係我今日突然好想有一個長假期，你話我係唔係犯賤丫~~

頭先返左李琳明同miss mak食飯，其實我都好悶冇見過佢喇~~原先今日想同佢傾下計的，但奈何佢實在有太多野要做喇~~我都幫埋一份呀？！但係d人真係一年比一年差呀.......都唔明點解十幾人都好似做d野亂晒咁law~~反觀我個年得兩個人在stock take，都完全冇問題呀~~

之後同左阿妹出吉島行街，因為我想買衫同鞋，點知我都只係買左對鞋同埋買左條裙，唉~~點解次次都係咁的呀.........

聽日返工喇？！唔知聽日返工會係點呢？？依家先開始有少少緊張呀，heehee~~

P.S.~~我要在此多謝丸仔呀？！尋日你送果份禮物，我真係好開心的呀~~真係好多謝你既鼓勵呀，我會俾心機同加油的呀~~

今日收到不少既電話，但係全部都係開心的~~點解？？因為我今日收到電話有工請左我喇~~係學生資助辦事署既助理文員，雖然人工唔係高，但係返五日而且都係第一份工，做住拎下experiences先law，而且又可以俾我continue咁返圖書館，都幾好的呀~不過之後既日子就會係星期一至日都要返工law~~~不過今日我都好多謝所有恭喜過我既所有人，因為實在太多喇，總知一句"多謝晒大家既support~~'

今日同kitman行晒旺角咁多個埸，但係要買野同想買既都買唔到~~不過都唔緊既，因為今日實在係太開心喇~~在生日前收到一份自己好想收到既禮物，唔知另外果個可唔可以實現埋呢？？係既話就好喇~~

完全係心身疲勞呀~~都唔知點解會的呀........可能係因為我考完試之後冇停過係咁返工啦，所以個人真係好累呀，d手腳都好痛呀~~所以攪到我呢幾日都冇 心機冇時間打diary~~

諗起今日返工就真係火都來呀~~讀名校大晒既，做獨女又大晒既，做細女又係大晒既~~係咁既話又使乜出來做野呀，在屋企算數啦~~出得來做野就唔好咁啦~~第一份job唔係大晒的呀，如果真係要受保護既，就唔好來圖書館做喇，去愛護動物協會啦，要受保護丫ma~~真係俾佢激到彈起呀~~

細既就話第一次出來做野，大既就完全不負責任law~~A字膊卸得就卸，起賤格law~~明明係自己做錯野就屈人，好彩我有証人~~就算唔係，我都唔會認的呀~~我會冇啦啦就去食隻死cat的呀~~你睇住來，如果我到時真係唔做圖書館的話，我話過我一定會玩野的呀~~唔話野就唔係我FormOne~~

P.S.下午個時多謝幾個朋友陪我傾計同吹水，不論時間長與短，起碼都陪過我丫~~如果唔係我估我今日一定會發左癲呀~~多謝晒~~但係我真係想有個人俾我攬下呀~~