原先諗住可以飲完酒咩都唔諗，點知仲衰.......難道真係"酒入愁腸愁更愁"？！超身返工個時心情都唔係話好好嫁啦，上到車竟然俾我撞到佢，其實我唔知佢見唔見到我啦，我覺得就算見到都未必會有野講的呀~~以前會care既，但係今朝竟然冇咩感覺，可能我開始學識放低掛~~都好既~~

返到公司，完全係發左癲咁，不停係咁做野，唔俾自己停落來，因為唔想去諗任何野，咁唯有係咁做野啦~~到左下午counter，真係好想打人，果條"某你"好似隻遊魂野鬼咁，不停在面前遊來遊去，真係好想打死佢呀......之後死人kenny，又講埋d衰野，真係即時火都黎呀~~

返到入書庫，又開始發癲，係咁搵野做~~因為隻豬知我發生咩事，所以佢都冇問做咩，由得我~~我都唔想咁的呀，但係當我一返到入去就唔知想點咁~~

總於好辛苦咁捱到收工，出到去個人好返少少，就去搭車返屋企lu~~

返到屋企就係咁同人傾計~~~聽日又係返工既日子，人生真係苦悶呀~~

溫書進度尚可以啦，依家尚欠四課就叫做溫晒喇，真係開心呀~~

夜晚約左阿女在天水圍食飯，我地兩日就去左椰林閣食飯，但係同屯門相比，真係少人得多呀~~我未見過可以咁少人的呀？！食飯途中，當然係不停地傾計啦，因為我地都好耐冇見lu~同埋呢幾日心情都不太好~~但係我知呢次我都係要夠自己的呀~~

食完飯之後，返左過kitman度，齊齊飲下酒，吹下水~~因為我同佢都冇唔開心，如果我聽日唔係要返工的話，我會再飲得多d law~~最後十一點半左右就返屋企喇，因為我要返屋企睇王喜呀~~

睇中左部數碼相機，好想買呀~~

依家日日都會過天水圍溫書的呀，亦都即係話我今日都係過左去溫書的啦，heehee~~今日既進度尚算可以啦，我話過我要化悲憤為力量，一定唔可以俾個考試衰既~~

話就話今日溫書進度幾好，但其實都唔知溫過咩，算吧啦~~我估呢科唔會唔合格既........

有d野仲係未放得低，但係我學緊的呀~~

我會加油的呀~

聽日約左阿女食飯，又可以傾下計喇，真係好呀~~

今日係第一日考試喇，但係唔知點解完全冇考試既心情law，都唔知點解會咁的呀~~好衰唔衰仲要一朝起身就頭暈，真係激鬼死我呀，考試先來玩d咁既野~~

考試果陣超辛苦呀~~因為個人都係wingwing地咁，唯有頂硬上慢慢做啦~~真係未試過做寫野既paper寫得咁鬼辛苦的呀~~不過都好彩嫁喇，如果係考做數既話，一定死梗呀~~

考完試就各散喇，原先諗住返到屋企就瞓覺嫁喇，點知返到個人醒晒law，攪到我都冇意慾去瞓覺，最後就睇埋果日叫我細佬幫我record《MI2》~~

就咁就一日喇，成日都好似唔知做過D咩咁law~~以下果首歌啱晒我依家既心情呀........

願我可以學會放低你　就讓我重頭來過物色新知己
望著你的臉如山水一般優美　要走的我總企在原地

願我可以絕到踢走你　但是我如何能拒絕張開的臂
自問我可以贏你但喜歡輸給你　猶像你親於我自己
我怎可以　一刀切下來　親手傷你