唉~救命呀？！聽日就考喇，但係我真係一d信心都冇呀，都唔知點死呀？！仲要miss對我咁大寄望，如果真係肥佬都唔知點算呀，有冇可以話我知我可以點呀？？

今日好似做左衰女咁，但係咩事就唔講得~~真係好想可以搵個人講下呀，咁屈住都唔係辨法woo~~

不過我今日發覺到，有d野係發生左就真係發生左的呀，唔係你話想改就可以改的呀？！真係希望冇發生過任何事，返回之前果段日子，咁就好喇~~

今晚都係要同FMC死過的呀？！佢唔死就我死呀，所以我點都要死點佢呀~~加油呀？！

今日過去天水圍溫書，但係我用成兩個幾鐘先溫得果一課真係唔知可以講d咩呀？！仲要對住d tips都唔係好知要溫d咩law，仲衰過audit呀~~星期三呢科野都唔知點死呀.......溫溫下miss chan打來問我溫成點，我真係覺得有d對佢唔住呀，因為我溫極都好似唔多知溫過d咩咁，真係好對唔住呀，聽日仲要.................

返到樓下諗住去拎相啦，點知好準時咁關了門，真係激死人呀，攪到我又聽日先可以拎到喇？！即係我聽日點都要返來拎law~~

仲未諗點星期三著咩衫去interview呀？！咁既天氣真係唔知點著衫呀.......我驚果日會成條死屍咁去in咋，依家開始有d驚驚地呀~~

我今晚都要死點埋MM hypothesis+EMH，同埋M&A，如果唔係聽日一定死人呀...今晚要加油呀！！

今日雖然請左假諗住溫下書，點知都係溫得果少少，都唔知點算好呀.....但係今日一個人忽發奇想，覺得好多野都只係一字/線之差，而且好主觀的呀~~仲好多時因為咁而令到自己好煩腦....好似話開心唔開心；鍾意唔鍾意；好定唔好；係定唔係，等等......；在我地既日常生活入面，都有好多呢d既字眼。但係我地係點定義嫁呢？？如果有一個STANDARD既話，我地會唔會冇咁煩腦呢？？

頭先睇到個朋友仔既日記，知道佢有d唔開心既野發生左~~唉，我都唔知可以點安慰佢~~都係等佢搵我地先再諗點安慰佢啦，因為佢同我一樣，咩事都係收收埋埋，咩都自己一個攪掂的呀~~況且我呢期都冇咩心情，希望大家可以盡快脫離晒d唔開心既啦~~真係唔想日日都係諗住d唔開心既野呀~~

尋日有人問過我，今年生日有咩生日願望呀，但係我話我仲有成個月先生日，依家諗會唔會早左d呢？？佢話睇下可唔可以幫我完成到我個願望woo~~但係我估都幾難喇？！其中一個就年年都係咁諗的呀，但係年年都係落空既，我估今年都係一樣嫁喇，況且期望唔高？！但係有兩個希望真係可以得啦，一個係我今年可以順順利利咁完成所有考試；第二個係可以在我生日前搵到份好工，最好就係五day啦~~完成到呢個願望，我就心足嫁喇~~不過我估都係要靠自己嫁喇，其他人根本就幫唔到我既~~都係算數啦.........

依家只係希望可以平平安安咁考埋個試，快d搵到野做~~不過都好彩的呀，就算未有full-time做住都唔緊要，因為圖書館都仲有位俾我返下backup~~

都係果句啦，大家加油啦~~~

今日真係做到人都癲呀~~都唔知點解可以忙到咁的呀~~

一朝早就同另外兩個同事一齊patrol，但係我行左兩圈左右，就入左counter幫so小姐整野喇？！之後又幫佢睇下有冇野可以拎埋去W/D~~好喇，到我可以坐下既時候，收到個電話，叫我去interview，都幾好丫，又有得interview喇，咁即係話又多左一個chance喇~~但係攪到我又要調更去溫書喇，好彩果間公司俾我改星期四先去interview咋，如果唔係我科FMC都唔知點算呀~~接住我就要睇下有邊個同事可以同我調更喇，又係咁走來走去睇更表，因為太多人要調更同請假喇，攪到個更表超亂........之後又俾so小姐捉左我入sorting room幫佢手整野，同埋同佢吹下水咁啦，heehee~~不過佢話我之前見我interview果時個樣好似好串咁law~~係咩？？我又真係唔知woo~~

由於我聽日請左假唔返工，咁即係話我今日係見阿爸既last day喇，所以我地就成班人一齊落去食飯，去左扒王食，都可以丫，但係d services就............食飽飽返到上公司，又係不停灺行來行去，行到我傻呀，由兩點正式開始整野，攪到我成四點幾五點先有得坐下咋........

收工就返入屯門拎褲，之後一個人行左入2%睇下衫衫咁，又俾我買左兩件衫衫丫，哈哈~~

聽日一定要溫書喇，加油呀~~~

今日我瞓到成點先起身呀~~我好耐未試過瞓得咁耐呀~~但係今朝成朝落雨，都真係冇晒心情呀~~之後我個妹落街買野食，食飽飽之後，我就同佢過左吉島行街，因為我想買過見衫~~

最後我同我個妹都買到野，真係幾開心的呀？！好耐未試過同阿妹行街行得咁開心呀~~但係我今日就冇溫過書~~一陣係時候要執好d notes先，哈哈~~

聽日又係返工既日子，但係聽日係我見阿爸既last day喇，因為佢升職，所以就走喇，咁都好丫~~我都會加油搵工做的呀~~

各位加油捱個考試先諗其他野~~