今日如常地返學，但係個人真係好鬼累呀....可能係因為尋晚要返工既關係，成日都冇咩點休息過~~所以今朝真係唔多想返學的呀，咁當然我都係好準時咁返到去啦~~

Lunch果時行左過去mage sale，買左野俾自己同個fd，我買左兩條水晶俾自己，隨便果個人幫我睇,下我既運程，但係我都唔知係好定係唔好丫，其實在佢講之前，我都估到佢講既野，因為細細個時都有個uncle同我講過，佢話我少年運唔好，將來會係一個女強人，以事業為重？！今日果個人講既野大致上都係咁上下，但係佢話我應該18歲果時有一段情，但係我話冇law~~之後佢就叫我加把勁，另外話我事業運好好，會係一個有錢人，而且善於理財，會係一個以事業為重既人，有好多長輩對我好，仲話我依家係行緊運的呀，而且在我48歲個時會係成世人最好運既一年呀？！其實我都唔知話佢係唔係真係準，因為個個講既都差唔多咁，但係始終都係話我感情上係可以話差d~~而佢其中一句說令我諗起啱啱睇完既一本小說，因為小說其實一句係咁既，"男人廿八未ready，女人廿八，ready到變成already"，係咁啱定係咁橋呀？！廿八對我來說可以冇咩幾多年的呀，但係如果你問我感情對我來講係唔係真係咁緊要，我又真係唔知woo，有機會我都想試下俾人照顧下，我真係好累喇，但係冇既我又覺得我唔會死既，我又唔信我冇男人生活唔到呀，哈哈..........

聽完一輪野之後，去上埋最後一堂，今日有人來講talk，但係我覺得我唔會in果間公司，因為我真係冇諗過在會計一行發展的呀~!上完堂之後，我就同kitman一齊去搵錢喇，因為我地依家有份part-time在學校做的呀，人工都幾好的呀仲高人工過我自己個份呀~~做到齊點就收工走人，之後去買紙print fyp，搵左幾耐呀~但係啱啱kitman打來同我講，原來我地買少左野，真係激死人喇~~

今日講住咁多先啦，命運呢家野，唔係人地話咁就真係咁既，我始終相信係可以改變的呀~~只要大家努力生活就可以的呀，加油呀各位，在大家有生之年搵到一個真心鍾意既人，搵到一份好好既工，咁你既命運就可以有所改變的呀~~

話咁快就話四月喇，真係覺得d日子過得好快呀，有d快到唔知自已做過d乜咁，再加埋近期睇果兩本書，真係有少少將自己代入左呀，真係唔知點解會咁的呀~~

由於我想星期日放假，咁諗住調更啦，點知因為公司人事有所變動，所以調唔到，但係好彩既係今日咁岩有backup位，雖然係辛苦d，但係至少可以將我既lose reduce到最低先啦，哈哈？！原先都有諗過聽日返埋個patrol位的呀，好彩ada打俾我，同我講聽日有工返，咁當然唔做patrol人啦，你估呢個位真係好做咩.........

成日在諗人當然係有鬧情緒既時候，但係點解次次既對象都係我呢？？係我做既野令你咁，定係你覺得我會容忍你，定還是係你返左呢份工後個人變左呢？？我真係好想知點解會咁的呀??

今日返工，大致上都好正常，亦都冇咩大件事發生過？！只係覺得今日成日只係係咁俾你蝦law，都唔明點解只係蝦我一個人，亦都可能係因為你返工，所以帶俾我多左歡樂，同時亦都令我認識你多左，哈哈？！

突然發覺聽日有好多野要做呀，要去試cons，要返工，要去搵miss chan，點解有咁多野要做的呀~返得個一日學，星期三又話要返工喇，真係覺得我既人生好苦悶呀，可以有少少衝擊俾到我呀??

今日如常地返工，但係好期待今晚既節目~~

今日返工，竟然有4個backup law，即時呆左呀.........因為朝早有一個backup要成1200先返到來啦，但係佢返來一陣就食飯喇？！咁都算啦，另一個就串到爆law，唔止係個樣，仲有講野都係呀？！但係再另一個就有少少無辜，點解我咁講，因為我都覺得我地自己同事要負上一d責任的~~

事件係咁的，因為佢係backup既關係，咁我地都只會係要佢地幫手聽電話同埋撕書(多餘既書)，咁因為果段時間，如果係平時自己人的話，就冇事既，因為當時書庫冇人，咁我好急講左一次佢要做咩之後，就去左食飯，之後我見到gary同fred，咁我就講左聲有backup，睇住喇，咁我就走左喇~點知我返到來，gery同我講出左事，我都估唔到係咁大件事的呀？！因為果女仔撕左4本新登記既書，仲要係UK版，我聽完呆左，因為未有人試過咁law~~咁我唯有打俾隻豬，而我同gery就好努力咁執返d屍骸~~之後聽到老細話好似要佢賠錢，我都唔知可以講咩law~~

講返我自己先，今日成日都好忙，仲要攪單咁既出來，就更加忙到爆啦~~仲要係咁有人借Asian Selection，即係賓賓雜誌，但係又未登記woo~~又要喇喇臨攪埋佢~~

到差唔多收工既時候，阿妍就買左野俾我食，因為我地一齊去睇《側田》，仲有家姐同澤澤，我見到阿妍用新bag，我就話我就係想買呢隻呀，之後我就以最快既時間，諗住買完先去啦，點知佢竟然同我講買晒，第二間分店都冇呀~~唉..................灰晒..........

終於去到紅館喇，其實我都係第一次去紅館睇concert咋，真係好興奮呀，哈哈~~講真大致上都可以話ok，估唔到側田跳舞都幾得的woo~~仲要係hip-hop~~哈哈~好正呀？！但係阿妍話好似比平時短左d，我就真係唔知呀~~

之後我地就各散lu~~我就十二點左右返到，超快~~

今日兩點半返學校，因為約左Jackson傾FYP，唉，真係俾佢激死呀？！唔好講佢喇？！因為我自已心情都唔係咁好.........

放學個時同個FD SMS，傾左好耐，亦都傾左好多野，因為我真係唔知點做好呀？！之後我個FD問左我以下兩個問題，“我係唔係肯定自己鍾意佢？係咪肯定自已唔係想拍拖但搵唔到鍾意既人而去繼續鍾意佢？”我見到呢兩個問題，我都唔係好知自己點諗~~講真果句，我真係唔肯定我自已係咪真係鍾意佢，講真都咁多年，我只係知我之前有咩事唔開心，有事，第一時間就會諗起佢，想佢可以幫到我，support到我，但係我知係冇可能的~~第二個問題，我認我係想拍拖，但係我亦都認我仲未搵到個係我鍾意既人？！我真係好亂呀，真係唔知自已對佢既感覺係咩感覺呀？！我知如果話係鍾意既話，個個都會話我唔應該再鍾意一個不會鍾意自己既人，但係我唔知點樣先可以放得低佢呀？！

我真係有試過唔去諗佢的呀，以為自已真係做得到的呀~~但係當佢一搵我既時候，我就會心軟嫁喇，我都唔知點解對住佢既時候就會係咁，就算係佢做錯，我都會嬲唔落的呀~~我知我唔應該再為佢而hurt到自己，但係我真係唔知可以點做，放棄我有諗過，但係我始終做唔出呀？！

我都唔知點解平時既我可以好理智，但係當我一對住佢既時候就........我知你地會覺得我好傻，尤其同我熟果d，更加會知道我點諗，同埋亦都有話過我，“鍾意一個唔會鍾意既人，真係值得咩？？佢唔值得你咁做的呀！！”就算我明，但係我做唔到呀~~

好辛苦，真係好辛苦呀？！唔知點解咁多年，我都解唔個心結，我真係另願由始至終，我都冇識過佢，冇任何野發生過~~

我希望我今次真係可以醒覺到啦？！因為我來緊都仲有好多野要忙，我唔可以再俾佢既野affect到我的呀~~過埋星期一，過埋呢日我就唔可以再為佢既而唔開心~~但係我都會祝福佢地既，話晒大家都叫做朋友一埸丫ma(就算佢冇當我係佢朋友都好啦)

今日係test FMC既日子，但係我都預左唔合格嫁喇？！同埋我都同kitman講過我都預左only寫文字，唔多做數嫁喇？！點知今日份paper，哈哈~~我真係答文字多過做數呀？！我total寫左七頁，但係我就答左五頁字law，d數可以話冇做過的呀~~算啦，我都預左嫁啦，哈哈？！講真呢科野真係我既死穴，所以我test完出到來，真係成個人都relax散，成個人好似散左咁呀~~

頭先食完飯睇電視既時候，無啦啦諗到d野？！劇中講到我的夢想，無錯我地由細到大都話要讀書，進修，增值，但係我又想問，又幾多人真係可以完成到自己夢想呢？？所謂既夢係唔係真係可以實現嫁呢？？如果明知唔得話，點解我地又要諗呢？？我有時真係好唔明的呀......人人只會話你比心機機讀多d書就可以實現夢想嫁喇，但係又有冇人可以話我知一定係咁呢？？讀得書多真係可以做到咩？？點解人人都要為左証明俾人睇自己有能力而去爭果學位返來呢？？俾咁多錢，拎張紙返來，但係又冇人敢講話你一定搵到份好工，因為你冇任何工作經驗？！咁我應該要點做呢？？我真係有d忙網~~~

可能大家睇完都唔知我講乜，因為我都唔係好組織到我想咩~~哈哈~~