今日係情人節，祝願天下有情人有個浪漫既情人節啦~~

尋晚自己整左d軟心朱古力蛋糕，之後夜d又整左朱古力，但係我都唔係整俾d咩人食，我都只係想整野食之ma~~

今日有人問我，你會整咩朱古力俾你男朋友食呀？！我都係講左好多次嫁喇，我冇男朋友呀，大家可唔可以放過我，唔好再問我呢個問題得唔得呀？？

不過我覺得今年既情人節冇咩氣氛咁既，都唔知係自己心情影定係事實呢？？不過都係算啦，今年對我來講都情人節都係一個普通既日子，都係咁過之ma，都唔會有咩特別事發生~~~

放學返到屯門原先想返學校搵miss既，點知佢又唔聽人電話，咪我就返左屋企喇~~

今日一早就俾公司d人打來嘈醒左喇~~所以今朝0930就起左身喇，又訓唔返woo，真係激死人呀？！

起身之後就做下FYP咁啦，但係都係未做完呀？！但係收到一個不幸既消息，就係多多部機死左，佢做既所有野都冇晒呀~~唉，佢都真係幾黑仔的呀？！

之後我用左三個鐘睇kitman份野，有d野覺得有問題，但係又唔知個問題係乜，都係要聽日問下佢先得~~睇完之後，我就整軟心朱古力蛋糕喇？！嘩哈哈，成功左呀，因為佢係要用焗爐的，但係我個焗爐冇得set degree的呀，所以要自己睇火！！好成功呀，好好味呀，好鬼開心呀~~~我發覺我真係可以由整蛋糕既process同result，得到好大既滿足的呀？！我真係好鍾意整甜品的呀，尤其係蛋糕呀~~如果有時間的話，我一定會再整的呀~~

岩岩收到個電話，真係呆左呀？！因為係細梁打俾我，唔知點解要入來屯門呢？？佢問我尖咀點樣搭車可以入到屯門，真係唔知點解呀？？不過佢都唔係入來搵我嫁啦~哈哈~~

今晚要睇下d A/C先得~~

不過今日真係好鬼開心，可以咁成功整到個軟心朱古力蛋糕？！

今日比尋日仲累呀，都唔知點解會咁的呀~~

返到公司好似想死咁的呀，仲要一朝早counter，但係最大既問題係冇人law，悶到我想死呀~~不過到下午就超多人呀，下午counter既同事都幾辛苦的呀~~好彩我唔使count姐，不過我就俾另一樣野考起，就要調更喇，因為三月有test丫ma，我就要調更溫書，又要計呢樣，又要計個樣，我仲要一次過調四日，就真係計到我人都癲呀~~

攪店左之後就開始入機，越入越眼訓..........之後細梁入左書庫搵人幫佢將我地statistic既數spit返開，真係唔明d大老細點諗野的呀，真係冇野搵野來做呀，搵著我地來攪呀~~咁因為我要入機既關係，我就唔使做~~

但係到我5-6 counter個時，我都係走唔到的呀，都係要計的呀？！鬼叫佢知我讀a/c咩，係咁話你讀應該會計得快過其他人的呀~~真係俾佢激死呀.........

之後就同阿爸傾18/2個日，點樣幫家姐攪生日，因為尋日我問過阿妍，我話冇人理過我，咁仲攪唔攪，佢都話算的呀？！但係今日阿爸咁樣問到，咁咪又攪law~~不過又係搵著我來攪的呀.......................算啦，一世人得一個家姐，唔緊要啦~~

今朝真係唔想起身返工呀，唔知點解呢期個人特別累的呀~~

返到公司先知道阿yen又病左冇返工，咁即係話又一個backup啦？！不過我覺得今日個backup都幾smart的呀(做野上)，最攪笑係佢叫做阿癲(我唔知係唔係呢個癲呀)，扮明就係傻人一個啦，又乜理由會叫自己做呢個名的呀~朝早既時候，我都好少同佢有機會見，因為佢counter，我就自己一個人在書庫，不過當我拎書出去既時候，佢都有了我玩的呀？！

不過到左下午個時，就真係有同佢玩到癲癲咁呀，點解？？睇埋落去咪知law~~其實我今日都好累的呀，食完飯就更加啦，咁我就係咁話好眼訓，佢就行埋來話打醒我，我開初都呆的呀，因為好少backup第一日返工就會同我玩得癲的呀~~之後我同秦先生估佢有幾大(年齡)，點知我估中左，佢仲細過秦先生呀，哈哈？！

到我同佢patrol個時仲攪笑呀，佢有得收人野不知幾咁開心呀~~你話佢係唔係真係傻嫁~~之後我CO問我係唔係識佢的呀，因為佢見我地真係玩得OK癲，之後我咪話咪識左佢好幾個鐘law~~之後佢就用d好唔知點既眼神望住我，再同我講聽日元宵佳節呀，咁我當然知佢想講咩啦，但係我地唔係law，只係岩玩之ma~~~

今日唔止有利是收，仲有情人節禮物收，有又人整朱古力返來食，之後又有人買雪糕返來食呀，真係開心呀~~~

情人節就到喇，唔知各位諗好去邊到未呢？？我都只係問下咋，你唔好以為我會有咩好提意的呀？！而我個人除左朝要返學之外，應該都冇野做的呀~~早兩日睇到以下既花語，可能大家都知的喇~~~