今日返到十二點幾先起身，原先諗住做下account的呀，但係個人太累喇，冇心機去做呀，所以都係冇做的呀，真失販................

之後到咁上下時間就執野出街喇，因為今晚約左BT同IVY，仲有CHERRY，琳琳，SILVIA出去食飯~~

當我出到旺角既時候，BT打來話出唔到，真係幾失望的呀？！之後CHERRY打多次俾佢，隔左一陣佢就出左來喇，仲帶埋個女來添呀~~佢個女都幾可愛的呀，一來到就同我玩喇？！不過之後我都真係有D頂唔順IVY呀，佢真係傻傻地呀，邊有一個大人可以癲到咁的呀~~

不過成晚都幾好呀，間CAFE又唔煙，呢個先係MAINPOINT呀~~

原先今日返工係可以有多一封利是的呀，最衰史立皮啦，又話冇woo，真係激死人呀~~

可能係尋晚唔係好夠訓既關係，今日成日都好累呀~~仲要係入職以來抄得最慢登記紙既一次呀？！成個下午都只係抄得一份登記紙，真係想死呀~~

收工既時候，就即刻返屋企喇，因為真係好累呀~~

返到屋企先收到d阿sir電話，真係俾佢地激死呀~~唔打來咪好law，咁我聽日就可以休息下~~不過算啦，反正出到去又可以拎多兩封利是~~哈哈~~

今日初七人日，即係話個個人都生日啦~~

今日係星期六咁即係要返工啦，無錯我今日有開工利是收呀？！不過今日就個backup激到死呀？！至於點激死就冇謂多講喇~~

到我差唔多收工既時候，家姐返左圖書館，因為佢話要返來拎利是woo~~返到來拎完利是之後，就同左佢去搵maggie姐，amy姐同jackie女，點知就得一個搵到姐，真係冇奈呀~~

之後就搵埋阿妍出來食野，我地上左間cafe度食飯，我發覺呢種食飯方式，己經係習慣左lu~哈哈？！最後我地十二點左右就散喇，如果唔係我冇車呀~~

咁就一日，返到屋企都成點幾喇？！聽朝都仲要返工~~

我今日成日都係留左在屋企，都係時候要做下功課的喇~~今日終於作掂埋份ethic同埋英文~~但係都未溫account呀，點算好呢？？

若是　能回到舊時
但願　誰良心發現
彼此　重頭再愛
錯誤也會早些去醫

怪我　太過不智
忘記　體恤關注
強令對方配合自己　不會退一點

＊難得相愛　卻沒法拋棄自由
　你太自我　如何侍候　(如何忍受)
　到底如何奉獻才足夠
　承認有錯我不想講借口
　承認有錯你不想講借口

　遙望並無惑星　閃過宇宙
　牽你手　靠著你　而欲語還休
　誰勉強壓下對方
　彼此都不會得手　傷害夠＊

自問　從前太霸道
像是　橫蠻的細路
今天是現眼報
要獨個去走這長路

你我　沒法相處
誰有罪也不懂寬恕
強令對方配合自己　不會退一點

REPEAT＊

你我亦有無窮願望
彼此亦只盼成全自己
而伴侶從來未設想過　私心太多

REPEAT＊

求讓我再用百倍溫柔
留住你　我願意無限遷就
都不想你遠走

今日約左阿囡IVY(beacon果個)，係呀，我有好多個女的呀~不過到依家都仲係未知佢地個老豆係邊個，真係失敗...................

今日好開心呀，因為我地真係好耐冇見喇，我地一出到旺角就去左間CAFE度飲下野，吹下水，食下野咁，話時話，呢間係我去旺角咁多間，我最LIKE既一間，好正的呀，下次帶埋其他人上去先~~不過我其中有一個話題又係講下我有冇男朋友既，但係個個都係覺得我識得人多，應該可以搵到的呀？！阿囡仲叫我不如轉去manpower度做街館，可能會識到男朋友仔woo~~

之後我地就開始行下街咁喇，其實我想買電話繩的呀，點知又係買唔到的呀？！但係我就買到我既至愛PLUTO，哈哈，又俾多個人知道我點樣痴線添，哈哈~~之後我又買到好幾隻耳環，真係好開心呀，好耐未試過咁買野的呀~~但係我發覺我又有好多野想買喇，有鞋啦，褲啦，褸啦，銀包(初一果日先發覺個銀包broken)，電話繩啦，仲有電話呀~~仲有好多好多好多，但係我諗有排都買唔晒的呀，因為我好難先睇得中我既心頭好..................

不過今日真係好開心呀~~