可能係尋日玩足成日既關係，今日返工勁累同眼瞓law~~返到見到有幾個summer helper來左喇，但係我只係可以用一句，"一年不如一年~~差"去形容佢地law~~

我都唔明點解依家d人可以咁做既的呀~~我都只係好心同你講左一句，小心反車姐~~使唔使成程"bear"住我呀~~不過你lke既，我都唔會阻止你咁做的？！因為累果個又唔係我，我理得你死丫~~況且我都唔會理佢law~~

不過今日成日都好忙呀，真係好似星期六日咁law，做唔停手~~夜晚shelving，我就兩邊走來走去，不過我都覺得自己叻嫁喇？！英文雜誌俾我清得七七八八嫁喇，算係咁啦~~不過收工個時就開始餓喇，因為真係冇停手咁做呀~~但係可能個人累啦，所以都係冇胃口食野的呀~~

聽日又要返工，返早呀~~真係唔多想對住班summer呀~~我真係唔知係唔係我要求過高，我真係覺得佢地好唔得law~~

今日終於係最後一科喇~不過今日既成績我估都係麻麻啦，高分就冇嫁喇，合格都應該冇問題既~~今年考試總算可以啦，不過有d驚科law，因為個日真係完全不在狀態，真係有少少危機~希望可以過到啦~~

考完之後，就同kitman，多多落左CEO唱K，但係唔知點解入到去又好似冇K癮，真係奇怪~~好準時收ROOM之後，就過左去世貿中心打機同擲rainbow，都好耐冇上過去喇~~之後我地就過左time square影相同行左一陣~~接住多多就走人喇，而我同kitman就繼續行，因為我地約左miss chan食飯，咁唯有再行多陣啦~~

之後同miss去左一間食日本野既地方，我覺得都可以丫~下次可以同其他friend食下先~~食完我地三個人就上左d樓上cafe吹水，真係好鬼開心的呀~~總知尋日成日都好開心啦~~

話咁快三年IVE既生活就咁就完左喇~~其實回望返呢三年，真係好似冇做D咩咁~~咁當然亦都有不少開心同唔開心既事發生左？！開心既係可以識到一班好好玩既阿SIR，MISS，同埋朋友仔；相反唔開心既事亦有不少，我都冇謂在呢度講出來喇，因為識我既都估到有咩事的~~而呢三年更加令我學識點樣去更加清楚認識一個人，因為一個人話要變，就真係可以變到成為一個好陌生既人？！真係唔知係我既問題定係人地既問題~~同時亦都令我明白到有好多野唔係負出左就一定有回報的呀~~所以更加要學識點樣用一個平常心去睇每一件事，只要你學識呢一點，你既生活會過得更加開心~~在呢三年有不少既朋友仔都話我變左好多，但係我唔知我既改變係好定係壞；不過有其中一個改變係因為一個人既說話~~不過總括呢三年都可以話係開心既，依家唯一希望既係可以盡快搵到一份自己鍾意既工啦，最後當然係在我生日前就更加好喇~~如果真係既話，我相信呢一份係我收得最開心既生日禮物~~

今日係我既最後沖剌喇~~因為我聽日要考埋最後一科喇~~真係好期待考試後既感覺呀，哈哈？！其實講真今日都唔知溫過d咩呀，個感覺好唔實在，d野識唔唔識之間，都唔知點解會咁的呀~~不過我估我都應該pass到既~~

一陣有《法政先鋒》睇，我估應該幾好睇的呀，而且我鍾意呢類形既劇集同小說的呀，一陣要睇先得~~

睇完之後就要開始再做多次d數先，我都係諗住合格就算嫁喇~~~

期待聽日呀~~聽日開始好似有好多節目咁既？？

聽日就下午行街，夜晚同miss食飯；15/6返工；16/6返工，好似要同阿Ci食飯；17/6返工，之後睇戲；18/6都係返工~~19/6-22/6暫時可以休息下~~

CONGRATULATION~~阿勝~~你既付出得到一個好好既回報喇~~我話過你win左既會請你食飯的，不過唔知你賞唔賞面咋~~heehee~~

今日溫書既進度都係一般啦，希望我溫得切啦~~

唔講咁多住喇~~係時候要再溫下書先喇~~如果唔係我真係驚溫唔切呀~~

最後一科，點都死點佢呀，我唔會衰收尾的~~

哈哈~~
今朝一早起身就自己一個溫下consolidation，之後就過左kitman個邊再齊齊溫書喇~~今日我覺得可以啦，因為都做左好幾條數，但係唔知點感覺上好似冇溫過書咁既，真係奇怪呀~~

今晚希望可以做埋其他果幾題conso.啦~~大家俾心機捱埋佢啦，仲有最後一科咋~~

尋晚見到有好幾份非公務員職位有空降，就拿拿臨申請啦~~希望快d有野做啦~~

今晚我細佬叫我申請埋Xanga個diary，我又冇咩所謂既，不過個邊可以俾我執靚下個版面既~~但係你地放心啦，我估我兩邊都會打日記既~~heeheee~~

p.s. Xanga條link呀~~http://www.xanga.com/FormOne716

p.s.唔知阿勝今日比賽點呢？？