今晚又有得去睇演唱會喇，今次係睇小齊同黃品源，真係好鬼正呀？！雖然我地坐o既位唔係話好低，但係都幾clear的呀~~~

成個concert都好正呀，見到佢地兩個人在個台度又唱又跳，雖然都唔係話跳得好好的呀，但係個氣氛都好好呀~~小齊完全可以control到成個埸，俾人有一種好有自信o既感覺，而品源就好攪笑law，係咁講佢d廣東話，真係聽死人呀~~

不過我諗起佢地請左個女仔上台，果個女仔就開心喇，但係好可惜連自己姓咩都唔識講，就真係有d差勁喇，我都識講自己個名啦~~

完埸個時就陪Carmen，Iris同埋Kitman等小齊同品源~~~

哇哈哈~~好開心呀~~點解我會咁開心，因為我輕左呀~~原先我一直都以為只係輕得果2磅，點知今日我細佬幫我睇磅o既時候，佢話比之前少左三格，咁我就話咁即係輕得果3磅，都係輕得咁少~~我細佬就話，一格係1kg，咁即係你唔止輕3磅，而係3kg呀~~真係開心死我呀~~我會加油的呀？！

希望可以再輕多d啦~~雖然我係輕左，但係outlook都係咁上下，真係有少少心灰呀....不過我都會努力繼續做運動的呀~~我一定得o既~~

我估大家都會support我的ma??

聽日就係睇《任賢齊》o既日子喇，真係好期待聽日o既concert呀~

返來喇？！終於返來喇，我係講緊Macro~~哈哈，因為佢今日去完旅行返工喇？！明顯地我覺得我做野既speed係decrease左的呀？！一來係我地兩個可以夾返邊個做d咩，二來係我做得快會俾人罵的呀，嘻嘻~~今日見到佢傷左隻腳，所以我都係要繼續做行來行去果個，不過都冇咩所謂啦~~

今日聽佢講返去旅行o既，攪到我都真係好想放假去旅行呀~~但係都唔知幾時先有機會呀，都係唔好諗咁多喇？！雖然我冇得去，但係都有手信，唔係人人有的呀~~

lunch約左隻豬同家姐食，同埋傾下家姐攪結婚o既~~見到又有人話結婚，真係好替佢開心的呀？！但係睇返自己連拖都未拍過，真係有d覺得自己好失敗，你地話係咪先？？家姐仲話到時睇下有冇可以介紹下俾我，heehee~~我都係覺得算啦~~

收工原先係話過吉之島的呀，但係個人呆下呆下咁就搭左車返屋企~~

係咁多先啦~~期待星期三晚~~

今日係中秋節呀？！希望大家今晚玩得開心ｄ啦，當然希望大家可以人月兩團圓啦~~哈哈~~

唔知點解越來越冇過節既mood，好似今日返到公司，一二個唔係傾下今晚同另一半去邊度，就傾下同屋企人去邊度~~反而我就好似冇咩感覺咁，都唔知點解會咁的呀？！

我只係知我今日真係好想清晒d新cases，但係因為實在太多野做喇，同埋部電腦實在太快喇~~仲要攪到我要Angela果位度做，因為我入唔到庫房，所以我hold唔到單，咁得佢一個入到，咁佢地見我咁，咪俾我入埋先law~~之後就可以分俾佢地做新cases？！分完之後俾佢地話我做野做得好快，都幾開心的呀~~最攪笑既係，今日CO請食糖水，明明我要左個hot既糖水，我可以做野做到唔記得左食，攪到凍左........我仲要係俾佢地見到，拎走我d野，要我食左先俾我再做呀....我都話左我係咁嫁啦~~

收工返到入屯門就同屋企食飯~~食飽飽之後，細佬就去玩，得返我，阿妹同阿媽，我地三母女就去左公園坐，途中我俾一個小朋友叫我做"姨姨"呀~~之後又俾人話點解唔叫埋男朋友一齊出來，我都唔明點解的，個個都叫我帶男朋友出來，真係"O"晒咀~~我夠想人月兩團圓啦..........

聽日又係返圖書館既日子喇，真係唔知我可以捱到幾時呀？！應該話我可以忍受幾耐，因為d人真係越來越唔得~~希望快d俾我搵到第二份part-time啦~~

呢期都好少上到網呀~~因為我個妹係咁霸住，我都唔知佢想點呀，只係識話要做功課，等人send錯俾佢~~我都讀過書的呀，你估我真係唔知你講真定假咩，唔好當我傻先得嫁~~

一來個人己經累，再加埋公司多野做，攪到個人更加累呀~~~攪到我尋日收工之後，返到屋企就死左去瞓，因為個頭痛到我死呀........仲要依家返工都唔敢怠慢呀，因為我CO見我d野真係多到做唔切，所以佢都出手幫我做左一半呀，咁你話喇，我仲邊敢做得慢先得嫁，點累都要做好佢呀~~而且星期一Macro就返來喇，我唔想俾佢見到我仲有咁多野未做晒呀，但係我都己經盡左力的呀.............唔知聽日係唔係有糖水食呢？？因為班ACO同CO講開，不過有冇都好啦，我都冇所謂的呀~~

希望我依家既堅持係可以得到回報啦，因為我真係晚晚都有去跑步的呀~~除左頭痛果幾日之外啦，HEEHEE~~

忽發其想，我有冇可能在短時間內搬出去住呢？？我再係咁對住我個妹，唔係我死就我阿媽死呀？！因為依家冇人話得聽佢呀，個個講野都唔啱聽~~你諗下我唔舒服瞓左覺，佢都可以死去開電腦玩的呀~~咁你話丫，我都唔知可以講D咩呀~~有冇人可以教到我點做呀，我真係唔知可以做D咩呀~~~

我只係想夜晚可以安安樂樂咁瞓覺姐，唔想俾人嘈醒左之後話，"我都有排整嫁喇，你出去瞓啦~~"當時我真係激到"BEAR"一聲law~~間room係我既，你竟然係要我出去瞓就你，俾你上網打機同吹水，會唔會過份左呀你...............

可能依家我日記都係埋怨既多，但係我都唔想的呀？！因為我都唔知可以同邊個講，返學既就忙功課；返工既就煩佢地既感情事？！每次我都係做聽果個law，基本上都有機會俾我做講果個~~咁你話我再唔在呢度發洩下，我驚我真係會癲呀................