今日超牙痛呀，真係好鬼辛苦呀~~明明係好肚餓的呀？！但奈何隻牙太痛喇，所以都冇咩胃口食野~~仲要係咁俾阿Ken嘈住我~~都唔知佢今日發咩癲，係咁了我講野，明明見我send咁msg嫁啦，都係咁同我講野~~成個lunch就咁俾左佢喇，攪到我連書都睇唔到呀，激死人呀...........

之後Macro同我講話佢十月放假，又話個時開始忙，衰仔竟然自己去旅行，得返我一個人，真可惡呀~~不過我今日都唔知發癲啦，做咩錯咩，真係唔知自己想點呀..................唔制呀.............

收工都係頂唔順呀，去左睇牙醫，今次阿媽同埋我一齊去睇？！入到個感覺都幾得意的呀~~個醫生check完之後，話我隻智慧牙有少少發炎，所以我先咁痛，但係未洗"莫"住，因為見到佢都生得幾正常，不過佢話咁你其他三隻痛唔痛，我先發覺原來我上面個兩隻出左喇woo~~依家得返下面兩隻未出，佢唔講我都真係唔知呀，哈哈~~~

今晚要睇埋本書，好好睇呀~~~

日日都要返工，依家真係好想有一日假期呀，可以俾我瞓返夠呀~~不過我估都係冇可能的呀，除非我肯請假呀，但係我估我都係唔會的呀，heehee~~

今日lunch，kitman帶埋羚羚一齊同我食飯，唔覺唔覺，佢都幾大個的呀~~釨鬼攪笑呀？！同佢食野，佢就好似想同我鬥快，真係好攪笑的呀，哈哈~~食完之後，原先想帶佢去玩的呀，但係我冇咩時間就算lu，之後買左把扇仔俾佢，真係好得意呀，真係想同佢玩多陣呀~~

食飽飽之後就返上去返工喇，可能係因為飲左杯咖啡，所以冇咁眼瞓呀，好似呢兩日都有d野做下，先冇咁難捱呀，同埋因為冇左影印機，所以要行遠d去copy~~但係我發覺我兩邊做野既老細都真係幾冇能的呀，flight少少野俾自己department都唔得，都唔明點做老細的呀，俾個細既話唔得，就唔得，真係服鬼左佢呀.........

收工之後就同多多去食飯，真係唔知自己想點呀，依家越食越少，但係又好似就肚餓咁，個feel好怪........原先真係想買電話的呀，但係我阿媽又話唔好，但係我部機都唔知可以捱到幾耐呀，因為呢係咁hang機，同埋冇啦啦關機呀，我真係好like部LG呀~~~

今日返工個時差d唔知醒搭車呀~因為真係好鬼累呀~

真係激鬼死呀，十點半左右己經冇野做，你話邊可能的呀~~咁唯有又係咁SEND下MSG同冇野搵野做啦~~點知有人SEND左封COMPLAINT LETTER過來，咁其實唔係我地DEPT的呀，但係我地個大老細會管埋的，而且我地都係同一個AREA入面~~不過最攪覺笑都係大老細要在我個位打電話REPLY個學生LAW，因為我個位有兩個電話，同埋其中一個冇來電的~~咁我估大家都明點解啦，係咪先~~

LUNCH個時同左DORIS同埋另外兩個同事一齊食，但係我唔記得佢個名呀........佢地都幾好人的呀~~返到去LUCY話請食糖水LAW，真係想我死咁LAW~~因為我個胃都仲係唔舒服............但係我都唔理食完先算~

收工就返入屯門同JANICE食飯~我地真係好耐冇見喇，話咁快佢又結婚喇？！但係其實同我同年的呀~~但係我連男朋友都未有呀，真係失敗呀~~

聽日又會去多一次書展，但係其實都冇咩野睇的呀~~

如常地今日都係要返工的呀？！不過今日就轉左新既髮型返去，咁當然我電左hair，都冇咩邊個注意唔到的呀，heehee~~

今日返到都係hea下咁law，因為依家都唔係有好多野住，但係下午就俾個新system玩死左，我就覺得佢好煩，但係macro就撞左機，要重新裝過個電腦，聽日都唔知有冇機用呀~~

收工就同左秦先生，臭丸，edith去左太子間和民食飯，途中我地傾左好多好多，又傾到話我想買NDS，但係我又唔識，因為我一個電子白痴~~

之後去左A-Look睇glasses，但係睇極都唔啱，真係激死呀~~

聽日就同mama，阿蛋，阿yen食飯~~今個星期冇一日在屋企食dinner.....

今日係小女子既生日，在此同自己講聲生日快樂先~~

今日係無意中請左假的，箇中原先太煩覆喇，唔講咁多~~總知今日就off左啦~~既然又冇人約，又冇野好做，咁啖走左去電hair喇~~哈哈，我都覺得幾好丫~~

攪掂完就同二少姐出左吉島行左一陣，點知實在係太多人喇，所以都冇心機去行，到時間差唔多就搭車出旺角搵家姐佢地食飯喇？！我地去左青葉食，都過得去啦~~之後我地上左cafe玩同飲野，都幾攪笑的呀~~雖然唔係話大攪，但係我幾enjoy咁既生日丫~~

多謝晒你地呀~~阿妍，shuki，zoe姐姐，蛇哥，maggie姐，阿爸同amy姐，買左份咁大份既禮物俾我？！咁當然仲有家姐同澤澤啦~~總知都係一句啦~~多謝晒呀~~