話咁快又到左七月喇，時間真係過得好快呀~~仲要好攪笑地我都唔知尋日係我自己既舊歷生日呀，不過是但啦，舊歷十成九都唔會記得嫁啦，heehee~~

今日返工明顯冇尋日咁累，但係我都唔知點解星期六返工，真係累到傻呀~~但係明明尋晚我都成兩點先瞓的woo~~不過可能係因為我買到pluto cushion啦，哈哈~~

有好多野想買呀，想買LG果部電話(上台价都要$32XX呀)，想買相機(又係要幾千)，想買銀包(但係我咪睇得啱)，又想買NDS，都唔知幾時先可以買得到呀~~

仲有半個月又老一年，但係有時諗諗下，呢廿幾年，我究竟做過D咩呢？？我真係答唔出呀~~只係知咁多年都只係讀書讀書同讀書，最叻既咪前幾年搵到份PT，到今年一考完試就搵到份FT咁law~~仲做過d咩，我真係唔知呀~~

P.S.~~想睇拉闊呀，有側田呀，仲要係我生日果日呀 ─>16/7

原來我返左一個星期工喇，時間真係過得好快呀~~如果唔係因為今日要填form，都為意今日係廿九號呀~~依家先開始有少少擔心返錯工呀，哈哈~~不過我估我都應該唔會既~~

今日又做錯左少少野，不過我改的呀~~真係唔好意思呀Macro~~d野開始上手，但係始終有d野要慢慢記~~我相信我可以做得到既~~今日問過Queenie，如果我請假要點做，佢就話我請假既話係no pay的呀，所以最好就唔好喇~~所以我估我都係唔會請假的呀~~

收工原先都想過CB同臭丸食飯的，但係我實在太累喇，所以最後我都係返左屋企的呀~~

今朝起身既時候真係好鬼累呀，真係有d衝動想唔返工，不過我都只係講下姐，你地知我唔會咁做嫁啦，heehee~~

好彩我返去返得早咋，如果唔係一定做左落湯雞呀，因為長沙灣個邊九點左右落得好大雨呀~~不過我今日過得好充實，點解我咁講，因為今日真係成日不停地做野，好過之前幾日咁，要hea~~我今日終於可以唔使hea住咁做野，希望之後都可以係咁啦~~不過我發覺我左邊膊頭唔知點好痛呀，難道係我既姿勢唔啱，真係唔知點解~~

收工之後就返屋企喇，因為依家一至日都要返工，有時間既都想休息多d呀~~依家好似做左灰姑娘咁law，十二點前通常都會去瞓的呀~~我前日仲早到十點半左右就瞓左lu，你話死未？？

雖然呢幾年既生日都係在工作既地方渡過，但係唔知點解梗係覺得今年會lonely咁既，其實我都唔知點諗的呀~~不過我都有諗過個日收工之後就返屋企瞓~~不過都係到時先算啦，都仲有半個月既時間~~

唉~今朝一早垉身就打爛我隻pluto杯呀，好唔開心呀.......

今日都過得幾充實的呀？！因為我今日學左ok多既新野，希望我記得晒啦~~因為我都有少少亂，但係我估我應該可以handle既~~到今日為止暫時都只係俾錯file姐，我都覺得幾好的呀~~我今日俾人讚呀，話我學野快同埋勸力~~但係我想講我己經係hea住來做呀~~

放工個時過左吉島，但係想買同要買既野都係買的呀~~

今晚要早d瞓，好鬼眼瞓呀~~

今日返SFAA果時差d遲到呀，因為我仲未就到d時間，不過都好彩冇事，heehee~~不過今日就係辛苦我喇？！點解咁講，因為今日我partner唔使返工，即係話我有野唔問又問唔到，最大問題係我做完我識做既野之後，我唔知可以有咩可以做呀~~~最死問題係我後面坐果個係大老細丫ma，咁你話我可以點丫~~

我今朝十一點己經做晒我識做既野喇，攪到我要無無聊聊咁係咁打返一d我己經打完既野再打過~~可能你地會話我晒命，我真係想講我唔係呀~~

收工之後過左cb搵silvia行街，之後返左圖書館hea左一陣，仲有禮物收添~~and then再返落旺角，到夠鐘silvia就去上堂，我就返屋企喇~~

聽日continue我返工既生涯，聽日返圖書館！你估我會唔會遲早返錯工丫~~