好興奮呀？！因為今晚同阿妍去睇《at 17》，不過今次並唔係去紅館，又唔係去會展，而係去
博覽館~~我都係第一次去咋，仲要係第一次搭機鐵呀，哈哈~~

講返個演唱會先，真係好正，好high呀~~依家都回味緊呀，哈哈~~成場都只係得千嬅在開場個時唱左一首歌，其他都係佢地兩個人自己唱晒呀，真係好鬼正呀？！Eman仲著裙添呀，好鬼靚呀~~Ellen d結他又好鬼靚woo~~總知都係一句啦，正~~~

依家期待緊11/10既任賢齊呀~~~

嘩~~終於可以打到diary喇~~因為之前唔知點解開唔到去打野呀？！

今日都係好似平時咁返工放工，不過依家夜晚多左樣野會做，就係去跑步，哈哈~~我終於肯去做exercises喇？！因為之前成日都俾excute自己~~不過大家唔好誤會，我唔係因為拍拖而咁做的~~

不過我都覺得幾辛苦的呀，因為真係冇holiday~~

聽日SFAA果度又有個新人來呀，係仔來的~~唔知又會係咩人呢？？之前果個做左兩日就俾人fired，我都係第一次聽到呢度開聲話fred~~好驚呀~~

上多陣網等個頭乾就去瞓lu~~

今日係九一一呀？！不過我都冇咩感覺~~

不過今日真係好鬼累呀，可能係因為受到星期六日兩日既"節"磨掛~~都明點解的呀，明明好大雨的ma~~好心就留左屋企啦，來乜鬼圖書館，仲要來親既都係麻煩人..............所以今日返到呢邊真係累到唔想講野呀~~成朝個人都好似係遊雲咁......

下午食飯果時，我連半個飯盒都食唔到呀？！因為我兩隻牙都好鬼痛呀......不過今日講起想整cake呀，真係好想整呀？！等陣再search下食譜先~~

收工個時Carman同我地講話，聽到甘小姐同Judy講，要廿號攪掂晒d野？！Macro話理佢都傻呀，因為我地兩個人己經check左五百幾隻，今日又俾多六百幾隻我地？！講真要check對於我同Macro一d都唔難呀，只不過係我地做唔做之ma~~

搭車返到來，搵埋阿媽就去睇牙醫喇？！個醫生話冇咩野，只係同時間兩隻智慧牙一齊出之ma~~冇事既，等佢半年啦，半年後就差唔多出晒的呀~~我真係O晒咀呀，又話唔好拔掉佢woo~~最多俾d消炎止痛藥你啦，冇事既？！唉~~咁即係我都唔使刻意食少d去keep啦，因為我都痛到唔想食~~

P.S.：打打下字發覺隻手好痛添，難道星期六日counter個時唔覺意又整到舊患，如果係咁就煩喇~~又要帶返個護腕喇~~

今日同平日都一樣，都係好例行公事咁，返工放工~~冇咩特別事發生~~

不過我忽發其想，如果我有個男朋友好似Marco咁既話，佢所講既俾我聽到的話，我會點呢？？我依家聽到就冇咩特別咁，如果係佢女朋友聽到會點呢？？真係唔知........

我認我係想有個人support下我的呀~~不過我估短時間內都應該唔會有的呀~~除非我既生活圈子又有所改變啦，如果唔係都應該唔會有住~~哈哈~~

可能之後我日記都會冇咩特別，因為日日都要返工，講既都係公司既野~~真係好悶的呀？！可唔可以有d衝擊俾到我呀~~咩都可以的呀~~

個種感覺又返來喇，又有令我透唔到氣既feeling喇？！大家放心，我唔係身體有事，而係自己無形中俾左pressure自已，所以又攪到突然間好想cry？！明明唔係我既責任又要我理埋，我都只係一個普通人來咋~

講真果句依家日日返工真係唔知為乜嫁~~一個二個見到我返兩份工，一係就話我好生性，識諗俾錢屋企；一係就話冇野搵野來攪，迫到自己咁辛苦~~話說回頭，有得輕輕鬆鬆既，我都唔想攪到自己咁啦？！有時屋企既野你冇得control，只有去face~~依家唯一可以做既咪拿拿臨臨還晒d錢law~~要讀書就唔該生性d啦，填form借錢，都好似求佢先肯填，都唔知係佢借定我借~~阿媽就只係識我話我唔幫佢，但係佢又有冇諗過佢有冇自動自覺呀~有時真係好鬼火的呀~~

唔係樣樣野都係理所當然的呀，有時有d理係自己爭取的呀~~次次都人地响你背推你先識郁，咁就死得啦~~樣樣都依賴人地去幫你~~

返到呢個家，有時真係覺得冇地位的呀~~家用我有俾，咁又點？？我細佬妹激嬲我阿媽，我又要睇佢面色~~好喇，細佬妹心情唔好，做家姐都要睇佢地面色~~甚至乎問你拎錢都係要睇佢地面色既，咁你話喇，返到來有時真係好冇意思的呀~~

我真係想知我幾時先可以擺脫咁既生活呀~~