今日成日真係唔知自己想點.........一來係因為我尋晚瞓得唔好，二來今日係某人既生日.......尋晚我竟然發夢到cry呀，我真係未試過的呀？！尋晚既夢境到依家我都依然係瀝瀝在目，如果現實既佢真係可以為我咁做的話，我一定會好感動，但係我知道係冇可能的呀？！但係諗深一層我又唔想真係夢想成真的呀，因為有人因為死亡，我真係唔想見到咁既情況，我都知我咁講係好矛盾，但係我真係唔知自己想點，算啦，都係由得我吧啦~~

生日，日日都會有人生日，點解佢既生日硬係令到我心痛呢？？可能有人會話我，佢真係唔值得我咁做，但係我真係唔知點解會咁的呀？！我己經好叻咁唔去諗佢的呀，但係你越係唔諗咩，你個腦就硬係浮現到佢既影像，好辛苦呀...........

今日在學校既book fair買到本書，之後放學個時又在三聯買到本書~~但係我都唔知有冇時間睇呀....期待聽日既singing contest~~

作為阿妹既我，今日係阿哥既生日，我禮貌上都係要講聲"生日快樂"既~~

但係我依家既心情都唔知可以咩形容詞來形容，因為我真係唔知我地仲叫唔叫做係兄妹，我真係好迷的呀~~

究竟我對你既感覺係兄妹情定係其他呢？？我知我唔應該再問呢個問題，亦都知道我唔應該再因為你令到自己咁唔開心，但係有時有d野，唔係你話忘記就可以忘記的呀......我真係唔知自己幾時先可以放得低你？！

我唔知你會唔會冇意中見到我既日記，又或者有人睇到再話俾佢知？！不過我覺得你都唔會睇到的呀............但係我覺得就算你知道咁又點呢？？結果同依家都係冇分別的呀！！

我個時唔敢出聲同你講，係因為我真係好驚冇左呢個friend，但係我唔相信你會唔知我對你係點，因為我有時都覺得自己做得多左，你冇理由feel唔到的，就算係咁，咁又點丫~~我依家同你，我都唔知可唔可以話係朋友，更唔使講話係唔係兄妹丫~~

我知我班friend都叫我放低，佢唔值得我咁做，我都知自己好傻，但係感情呢家野，就算你幾理性都好啦，你都係會中個頭埋去的呀？！更何我中左個頭入去好一段時間的呀~~我諗都係時候要抽返自己出來的呀~~

各位放心啦，過埋今日，我知我應該點做的呀~~我唔會俾自已再係咁中個頭入去的呀~~

今日成個人都呆呆地，我都唔知點解會咁累呀~己經唔係話好夜瞓啦，但係都係咁呀~好似今朝咁，搭地鐵個時，阿fred見到我，同我打招呼，我隔左5秒先識得有反應呀，成個人好似遊緊雲咁呀.......之後佢問我係唔係返工，我竟然隔左成分鐘，先識答佢我返學，你話死唔死丫~~

之後返到去上堂都好似遊雲咁，冇咩心機上堂，自從上星期開始我就己經係咁喇，都唔知點解的呀，但係我就知我今年考試唔可以有任何差錯~~

到A/C堂個時又有人講talk，都係d career talk，但係我對佢另一個department有興趣多d law，但係佢話mainly focus on Business個department多d，所以我估我都係唔會做的呀~~

今日終於收到考試時間喇，考到14/6的呀，一個星期考一科都唔知係好事定係壞事的呀，拖到咁耐，真係會冇咩心機去溫的呀，點算呀？！突然間有樣想放棄既心態，但係我知我唔可以咁的呀，我唔會令我身邊既人失望的~家姐尋日仲話會買畢業禮物俾我，所以我更加要一take過攪掂，唔可以考supp.

放學果時買左ticket睇SU singing contest，希望好睇啦~~

我應唔應該同佢講呢？？但係我話過唔搵佢的woo~但係我始終都係放唔低的....點好呀？講？唔講？

今日又冇得休息喇~~完全要多謝我個妹啦，因為今日要陪佢出去圖袙書館second in呀~之後就同左佢過去APM行下街，因為佢話未行過woo~

但係今日等我個妹時，見到有人著西裝去見工，我真係好想笑law~~使唔使著到咁呀，可能係因為我自己在圖書館做緊，覺得唔使咁樣去見工，而且我個時都唔使著到咁的呀？！不過最笑既係佢地著到衣不稱身丫ma，你話著得好睇都話丫，咁樣唔著好過著啦，而且adecco都話唔著suit去in~~我都唔知d人係唔係唔聽人地講野的呀~~

行完街就返屋企lu~~