唉~今日本來諗住去打波嫁嘛,點知落雨喎~><
咁我一起身就開電腦睇下有咩好做啦,都唔知做d咩好~
咁我就又玩果個江湖啦~好悶呀o係果到,d人又唔識喎><
咁我就同人打啤牌啦,點知o係我就快贏ge時候我多手得滯,
o係到亂打野咁就死左,又冇人幫我復活喎,咁我就冇再玩lu~
跟住同左我老豆呀叔果d出去酒樓飲茶~食左好多野呀!!正>v<"
跟住食食下我抱左我堂妹去玩商場入錢果d機動遊戲~點知....
我發覺我抱佢唔到,因為我隻手好痛,咁就索性拖佢出佢就算~
跟住玩完返去埋單就去左街市買野~買完就返屋企lu~
返到去我呀妹o係到播mr.bean卡通片,我睇左一陣就悶到訓著左-,-"
之後發左個呢排成日發ge夢,好sweet嫁^^"
跟住訓醒左就自己o係到播dvd睇~套戲叫"touch",係日劇泥嫁~
我覺得幾好睇,套戲好感動~有少少似四葉草第一輯~不過我覺得呢套仲好睇~^^"
睇完已經7點lu~夠鐘食飯lu~今晚有冬風螺食,好好味呀>v<""
食完飯之後就食西瓜~嗯..正呀~好冰涼好甜呀!!!
食完野跟住我就上返泥做功課,做左一陣我就開電腦打日記lu~

今朝早9點幾起身,一起身就開著左部電腦~
我琴晚開始玩返我n年前玩過果個江湖,因為之前個ac,所以開左個新ge~
我都唔知點解突然想玩返,可能我呢幾日都好悶啦~
咁今朝又o係到玩啦,其實隻game好無聊嫁,但係我就係想玩~
o係到玩ge時候,我諗返好多之前好多好開心ge野~
我仲搵返之前o係江湖到許果個願~又搵到之前個ac同個人結左婚買果間屋~
諗返起真係覺得有d白痴,但係果時真係好開心~!!
之後玩到一點幾就off左lu~我呀媽煮左肉醬意粉~
好好味呀~好味到我食左五碗呀!!!正>v<"
跟住到左兩點就出去打波,我老豆車我出去~好野!!
出到去就勁打波啦,見隻手冇咁痛就用下手啦我,點知咁就死喇!!!
接左兩野之後我就feel到隻手勁痛,仲腫過琴日....唉
但係我都照打啦,之後我地就打game啦,打左好多局,局局都係單手打呀我~
有兩局我打得仲好過雙手打呀~有一球係人地揼釘,跟住我大嗌冇問題咁就接起左~
好多人都o係到歡呼呀>v<之後有一球我仲勁呀!!!人地打大斜過泥,我單手打返過去,
之後佢地做波揼3米,我又接起埋,點知比左舊肥叉佢地,佢起揼2米,
跟住唔知點解我轉左身背住個波單手又接起左仲陰死左佢地,我都唔知點解我會接得起~
今日夾夾埋埋我諗我都接起左有30球殺波,太叻喇^^"
不過我真係覺得自己今日d反應好快,所以我都話今日我自己打到超水準呀!!
跟住佢地叫我做楊過,我即刻o哂,但係又好開心呀!!!>v<"
丫,我知點解我今日可以打出超水準喇,因為我今日著左對mizuna呀~
呢對係我第一對mizuna呀,亦係第一次著佢落埸,唔怪之得今日咁勁啦我!!!
打到6點半我就走左lu~好寂寞咁一個人返屋企><
返到去就食飯,跟住就打日記lu~