今日好鬼死冇精神呀，好鬼死攰><！！上堂冇乜精神呀！！！...><"
唯獨係上中文堂係最精神，好專心咁聽miss講書∼
唔知點解，次次上中文堂我都會特別留心，可能我自己鐘意中文啦
又或者係R班嘅原因啦，點都會有份壓力喺到，不過有呢份壓力未必唔係件好事^^
今日仲有一堂係幾積極嘅，就係最尾嗰堂班主任堂，
我地要分組討論，討論如何解決衝突之類嘅嘢，而我地成組嘅結論就係
"隻揪吖！！隻揪呀！！".....^^" 跟住仲出埋去表現，笑死>V<
放學本來諗住打波嫁，但係史思明話唔打，臭軒又話見到Terry所以唔打，
咁我咪又唔打囉，返屋企LU∼
等車嗰陣，慘！！做左"咕哩"，兩個識識地嘅女仔硬着塞D書落我到，好重呀><"
幫佢地拎到上車，重死人喇！！><"唉∼算啦....冇下次呀！！
返到屋企煮米粉食，煮完之後碗米粉勁爆熱，咁我咪訓喺梳化到等灘凍囉，
點知攰到訓着左，訓醒就己經係9點幾，拿拿聲食埋碗凍嘅米粉，
又幾好味嫁喎！！^^"之後飲左杯果汁先生就做功課，
幾經辛苦，先偷呢少少時間打日記，好啦，我又繼續奸爸爹喇！！！><"

講返琴日先啦，琴日去左同文、軒、朱一齊食早餐，跟住一齊返崇拜同主日學
返主日學食月餅，食左好多，今次實肥死喇><"
返完主日學去左練詩，勁好玩呀！！>V<
跟住返屋企，屋企人喺到BBQ，而我就由一點訓到六點^^"
一訓醒，啊妹拎左條栗一燒比我食，哇！！正呀！！>V<
跟住我落留下，咦！原來我姑姐嚟左^^"
咁我咪招呼下佢地囉，之後陪表弟同啊妹玩飛行棋
雖然幾低B下，不過都幾好玩嫁^^"
琴日就到此為止喇.....

至於今日呢，返學啦要，今朝冇食到早餐，挨住肚餓咁返學校
返到去做埋dd英文功課，跟住吹下水就上課室lu^^"
頭兩堂生物，喺到講解剖，又好笑又恐佈，好血腥嫁！！
跟住小息就食早餐lu，凍嘅腿蛋治，好似食沙律咁><"
之後兩堂PE，同啊軒一齊坐,,,,kaka
度高磅重，我超磅，不過唔緊要
因為呀sir話"肌力係重過脂肪嫁"^^"咁姐係我大隻姐^^"
跟住小息又食多份三文治，正呀！！！>V<
之後上數，遲左少少放，話Mr梅成日食佢D時間
依+食返佢D時間-,-"跟住Mr梅走埋入嚟，講左句
"你食得起咪食囉"跟住又講好多野，笑死全班！！！>V<
之後上R班，遲左好多，跟住講原因啦，
跟住miss luk話"怨怨相報何事了呢""等我鬧下朱sir先"
真係笑死左我！！！><"
lunch time去左打波，打左陣上返去
跟住上埋兩堂英文就say gd bye
臨走嗰陣我問左朱sir
"Miss Luk有冇鬧你呢"跟住佢笑笑口咁望住我,,,kaka^^"
返到屋企，又繼續做功課lu........><"