`Well,今日又感冒了,都唔知點解天氣咁熱都會染上呢...?
早上入左課室,見呂麗紅開左風扇,跟住我就話：「好凍呀！」
「開到咁細都凍?」
過左一陣...佢都打個噴嚏，無奈現在先去「山」左個風扇佢... 一切已經太遲了...哈哈
跟住我成日就好辛苦咁過... 今日無帶到紙巾,所以係咁四圍問人「借」XD"
頭兩堂係...視藝, 呢排我好鍾意上視藝呀! 係咁挑啲石膏,太好玩了,,,
小燕個件豬仔呢,佢拎比我睇個時我以為係四隻腳仔,點知原來係兩隻眼同一個分成一半既nose`
而藍皓佳個隻豬呢...挑到太「精美」了,佢叫我幫佢,我都唔知點攪好...
呢渡豬仔挑得最似樣既就係呂麗紅個件,好明顯既豬仔身,頭,眼,耳...
而我...唔係挑豬仔,係挑緊一隻「怪物」! 有頭無身,有耳無手,有角有腳有尾的...
科學堂,呢一次小測我自知無好好咁溫書...成績合乎想像---> 得個30分
小測既成績永遠係差既......
未拎卷個時我已有自知之明,失落咁趴係渡...等住接受現實...
聽住老師係咁講邊啲人既分數高...
然而,係同學心目中高分既人都有唔少... 我都聽到自己個名...不過咁樣只係更加失落...
拎到自己份卷見咁既分數個時已經唔想再睇落去...
不過都理性咁望下... 依!? 點解我有7有8有10有咁多個2仔......啲分好似唔多合理..
跟住拎部數學機出黎,計一計,39分... 再加埋有一題老師送分比我地,咁就有41分lu
跟住開心番lu " 咁樣就係老師個渡拎左十一分出黎,太好了！
放左學3點幾開始攪全方位... 呢個小劇仔一啲都唔容易... 或者係我唔識做...
同阿彭重複左十幾二十次...最後要加埋龍龍幫手......龍龍既演技一流...
其實佢同輝靈係Super 組合- -" 上到台都可以係咁吹水...
走個時同佢地一齊走...佢地有佢地玩,有佢地傾...我好似完全唔係一份子咁= ="
|
