今日唔可以唔打,因為我依家仲好激動:
今日既濕粹野唔講,只講6點鐘係元朗鳳琴體育館對陳震夏個場波
第一節,兩對發揮唔係幾好,完場前,我地領先幾分.
當知道第二個場係遵理打時,真係好想過檔睇.
第二節,仍然冇得出場,不過我有係場邊為佢地打氣,完場前仍然領先幾分
第三節,我可以出場啦,但係跑左一陣之後,發覺有d唔夠氣,都怪平時運動少
升左中五之後,運動量的確少左好多,個個都差唔多啦
出場冇幾耐,好似犯左兩次規,但有入過波,好彩林9冇換我出去
其實個陣已經冇乜氣,但都格硬打落去
第三節完,都係領先幾分
第四節先刺激,簡直驚心動魄......
打左一陣,比分不相上下,互有入球,比數究贏1分輸1分咁互相交換
我真係好多失誤,失到我冇面目打落去,好彩隊友爭氣,努力補救
到左最後32秒,我地進攻,領先兩分,有點已經贏左既感覺
當我地到前場時,發覺點解個波咁耐都未過到黎?
回頭望望,個波比人偷左,於是我地即刻回防
對方13號3分幾準,佢係三分線外持球,等機會射波
突然有人殺出幫佢一個單擋,佢旱地拔蔥一個3分
你估入唔入?
入左呀,個波神奇地撞板入左呀...
咇！咇！咇！場上嚮起哨子聲,完場?完了?沒了?打得咁辛苦,就輸1分飲恨?
天空嚮起晴天霹靂,五雷轟頂直插入腦...
當林9叫我地過去時,才知道對方叫了一個暫停,現在離完彭只有16秒
林9冇講戰術,只叫我地把握呢球
我知道,呢次進攻係最後機會,否則一失足成千古恨
我係中場開波,壓力由四方八面壓迫而來,幸好,成功交到對方手上
但,意外發生了......
持球者失球,出界,對方開波...絕望,徹徹底底地絕望
但成事在人,時間就係機會,仲有10秒即是仲有機會
我同貓仔係前場防守,想截佢地開波,點知不成功
比佢地既控球成功帶波到前場,且雙手抱緊,在這情況下
好難偷到佢個波,除非犯規...
就在這危急存亡之時,有人liu走左佢個波,此人是誰?
正是隊長小鳥鳴,波飛入貓仔手上,小鳥鳴及時接應
單人匹馬殺入對方陣地,因為前場冇人
雖前無對手,但後有追兵,因為佢有幾次上籃都失手
食足食飯完全睇佢既造化,追兵追得好緊,就黎追上啦
就在千鈞一髮之際,小鳥飛起啦,球係框上滴下滴下
全場成百人睇住,冇人出聲,全部屏息以待
偌大既體育館只有籃球在框上滴下滴下既聲音
突然,全場轟動,爆發難以掩蓋既歡呼聲，哨聲及時嚮起
球∼入左啦∼嗚呼∼我地以１分之差擊敗對方！！
我地情不自禁擁埋一齊，貓仔更忍唔住喊左出黎，全場在為我地歡呼
絕殺∼係ｎｂａ見得多，但箇中感受，睇黎只有親身體驗才會明白
很激動，很感動，心中的憂慮完完全全地釋放
終於，贏左啦∼
．
．
其實，我心入邊好大壓力，因為我失左好多關鍵球
若果我地因此而輸波，呢個責任我放唔低．
事後，我仍感好大壓力∼好彩好彩！！
難忘的一天！ |
