2/7
原來今日要番學個喎,冇人提既話真係唔知
番去係為左玩社際綜合活動,幸好不悶
放學後番屋企食飯,跟住就即刻執野再番學
因為要入數學營啦,哈哈哈
車程大概一個鐘,好快同埋就算坐後面都唔覺暈
係車上,知到左d野......心情由天堂跌落地獄
去到,聽完簡介去分房,死都唔同呀徐一間,杰仲要好大聲咁講出黎
準備好後出去集合...點知,要轉房,轉間細d既
有埋電視,雪櫃同埋煮食用具~正!
之後再去聽多個數學遊戲講座,幾有趣嫁
好啦,到左今晚食乜餸既時間啦
今晚~就係BBQ既,太多人,我燒左一陣就番房
諗住留番D野食黎打邊爐,最後係唔成功既
BBQ完後,仲有好多野食淨,所以攞晒番黎擺係雪櫃
沖涼果陣,有人比人偷拍,真係好慘-0-
偏偏係呢個時間有女人過黎沖涼,成班男仔即刻好興奮
不過我諗佢地都唔會做出D咩既
所有人沖完涼,唔記得左係到玩咩,只記得鋤過D講下笑咁囉
到左4點幾,想訓教啦,有D心事搞到我訓唔到
加上班狂人係到搞搞陣,到左5點幾先訓得雀...
第一日ENG
3/7
7點半起身刷洗,皮皮真係好笑-0-
洗完頭後先話決定唔洗頭啦,卡卡卡,要比D反應先得
好肚餓,期待有一餐豐富既早餐
點知~食垃圾,真係好垃圾,不過都食得飽
番到房好似食左碗杯面,再HEA左一陣又去聽呀徐講野(好似係)
講完番去休息,又咪係係到鋤D...一鋤就鋤到LUNCH
午餐幾豐富,食得好飽
食完唔記得左去左邊,多數都係番左房休息嫁啦
之後去左玩MISS黃既數學GAME
分完組後唔洗玩都知到WIN梗,因為我地組人才鼎盛,哈哈
玩完都唔記得左去左邊,應該係去左鋤D
到左夜晚,算係最好玩既集體遊戲
分完組後即刻出戰,最後大部分人都係含恨而歸
玩完影番張大合照就走得LU,今日既任務算係完左
跟住去左打波,冇乜人,早知唔打
打完仲要冇得沖涼,要去人地既營舍到沖,不過可以放心冇人偷拍
夜晚先至係最熱鬧既時刻,可惜有人一早訓左
玩左人肉層層疊,相扑,扮唔知咩人......總之就係開心
但係心中果條刺,始終拔不去,在開心中留下陰影
仲以為會玩通宵啦,點知到左3點幾,好多人3訓左
有人好無聊地玩人電話,好多受害者
對於我,今晚將是有生以來最難忘既一晚,
唔係因為訓唔雀但亦可以係因為訓唔雀...好深奧,旁人不明白
係呢幾個鐘入面,一直以來既煩惱已灰飛煙滅
相反,最慘既就係梁+杰啦......真係冇人可以救到你
4/7
7點鐘,有人肚餓,起身整野比佢地食
得番撈面,唔食都冇野可以食
挨多一個鐘去食早餐,都幾垃圾,不過都食得飽
食完去左篤波,講左唔好笑我~~第一次篤真實既桌球
好負碌地win左陳狂
過多陣去聽陳sir既講座,聽完番房休息
到左12點去食lunch,午餐永遠都係咁豐富
食完番房執野,再過左一陣就要走啦
最衰電話張記憶卡壞左,影唔到相,真係好遺憾
最後影左幾張大合照就搭車離開了
.
.
.
落左車,好迷罔
唔想番屋企,但係冇掟去,個個都好攰了
最後都係番左屋企,番到去沖涼訓教
訓到6點起左身,唔知搞咩搞到9點
本身諗住去游水,但係冇人去
所以同左書僮去食晚飯..."蜜糖"的晚餐
食完送佢番屋企,條路都好長下-0-''
．．．．．．
真係好唔捨得呢三日兩夜,我期待既生活就係咁
所以出camp後我感到迷罔,加上心中那條刺,搞到我好冇目標
究竟,我何時才能再去到我的桃花源?
有你的地方就係我的桃花源 |
