18,人生岩岩開始。總係要為自己既人生定下位。
過左8月8號7日...唔止我18歲lu~
記底呢個階段自己既定位。
記底18歲為止既自己。

我人有少少強迫症。三不五時就會自HIGH,成日都會
沉醉係自HIGH當中。我細細個其實想做保安。因為覺得保安
只係要同人打下招呼咁就唔洗做...,我矛盾,想要與眾不同,
又想享受平凡既輕鬆。到某D時候,要揀一條最難既路去閒。
雖然路途艱辛。但係覺得活得好實在!我并唔在意過程,不過我會問自己係
咪真係可以改變結果。

其實我唔中意安穩,我真係想搵大錢。係,我係好貪錢...
到而家竟然想考政府工...只係因為我覺得父母更重要。
自己既未來,自己既目標,只要努力去堅持就會成功。
呢件係一件好個人既事,唔需要特定既對象允許。
"心是滿的,就不在乎身旁是空的。"

我想要我整個人生都轟轟烈烈,對自己中意既野,從未有過中間值。
唔係零,就係一百。我覺得我係果種越難過越要去反抗既人。撞到頭破血流。
受左傷先會覺得痛快!至少知到仲有感覺,仲知道咩係堅持,咩係難過。
點都比起咩都冇試過,咩感覺都冇好。對家人對理想,對兄弟,
我都可以係咁,但係對愛情真係唔得,只可以話岩既人,我自然識堅持。
錯既人我自然會放棄。

我無法忍受"平淡"呢件事。我允許聽唔到睇唔見,但係我真係好需要運動。
去感受身體疲倦,流汗。

樂觀咁活著係一件美好既事,我仲係我。最原始既,最本質既我,
一直都不曾被誰改變。心魔永遠存在,必須隨時有足夠既勇氣去對抗....

我好似從來都唔係為"自己"而生存既人。雖然我好愛自己,我亦有好多諗法,
但係我冇辦法...比起自己,我更重視家人,目標,兄弟。
特別係父母。我的確需要一D改變,但係要改變D咩?
我唔知....

對於越衝越撞越痛快既人黎講。越難既野就越唔會放手。
以往比賽隊友感覺到,但係人生目標方面,我必須向父母交代。
我未問過父母想我做D咩。我覺得人生係自己既,應該自己決定,
要有主見。父母希望我安穩。可以,所以我先會想做一份有刺激性,收入又安穩既工。
目標已定,沒有其他路可行,你決定要唔要陪我?呢份執著錯左,我會承擔。
我真係好中意我既父母。就算我冇講,我都用我自己既方式愛緊。兄弟如是 。 

講真,有運動陪伴既日子,我唔孤單。而且我小三就自己生活,
對孤獨,寂寞真係冇感覺...我承認負能量係人生既一部份,但係我唔認同
負能量=人生!

先倒下投降既人,不會成功。有排都未到我投降既時候!
我會記得,運動時, full power既感覺!!!