今日係12月30號  星期五 暖左 

　　今日我細佬就一早起左身係到嘈生哂，佢有得去街就一早起身，真係煩死人。佢走左之後，即刻靜哂。之後我呀媽就同左我落去食早餐。食完上返屋企溫書。溫到咁上下，就去做每日一篇。做完又再溫書。溫溫下，我呀媽又叫我落去食野。食完野上黎玩左陣ｐｏｏｌ，之後識左一個女仔，個女仔好得意，問佢咩都叫我估下。之後我就去左練波。

今日係12月29號  星期四 暖左 

　　今日一早起身溫書，之後落左去中心大食會，都冇乜野食既，比人呃左落去，食極都唔飽。之後空住肚打波。不過我地見到一ｄ好精彩既野．．．就係一對好似兄妹既情侶，之後飛機同格格超串咀，係到好似講波咁講呇a。

今日係12月28號  星期三 凍 

　　今日一朝早比人吵左起身，好鬼累，尋晚訓唔著，三點幾先訓。依加晚晚都咁夜，都唔知返返學個時點死。之後到左下午，我去左九龍公園考游水試。衰左∼＞＜

今日係12月25號  星期日 熱∼ 

　　今日九點幾起身，係比人迫醒既，好無奈囉＝　＝。本身可以訓耐ｄ架，點知比人叫醒左。之後落左去飲茶。飲完茶冇幾耐，就去左陪我婆婆食飯，見返我既令仔表哥，之後佢帶左我去打波，同佢ｄ　ｆｄ一齊打。由四點半打到七點，都打得幾開心。