今日係12月13號  星期二  暖

　　今日，起身又覺得好凍，好驚自己有病添＞∼＜。返到去，冇乜特別，又係咁過。不過我發覺我格黎個個班長成日係到搞住我，我開始覺得佢好煩，仲開始憎佢添。真係好想調位。

今日係12月12號  星期一  暖

　　今日又係唔想返學既一日，起身個時覺得好凍，所以唔想返學＞＜。今日帶左電話返學，諗住同呀怡玩ｓｍｓ，點知．．．佢冇開電話＝　＝無奈。

今日係12月11號  星期日  暖

　　今日，九點鐘起左身，不過都唔係好累，奇怪，因為尋晚玩ｓｍｓ玩到三點鐘，今朝竟然好精神，肯定傻左。不過今晚我諗我會好早訓，因為今晚冇人同我玩ｓｍｓ。起左身冇幾耐，就開左電腦做功課，之後再食左個杯麵。一點鐘就去左補習，補到兩點半，補得個半鐘好似唔係好夠咁，因為我發覺我愈黎愈中意理科。

Honey Honey　要對你說聲對不起
　我總是沒時間陪你
　Honey Honey　你是否想親親密密
　還是喜歡這段距離

今日係12月10號  星期六  暖

　　今日一早起身去左補習，補完之後Ｅ仔打黎，問我去唔去觀禮。跟住我就跟住去左沙田大會堂，見到姚ｓｉｒ，陳ｓｉｒ，唔小得沖上雲消，到呇a傾左一陣計，就同呀Ｅ仔，龍文，梁茵，同埋牛屎頭去行左一陣。之後陪呀梁茵去左ＫＦＣ見工，見完之後去左食ｍ記，食完之後，三條友係黃大仙行返去九龍灣，因為要慳錢，不過原路我地傾左好多計。傾傾下就行到我屋企，之後佢地話陪左我咁多，叫我陪去搭車，送到去足球場，我就返左屋企。八點鐘，又係補習時間，今日補習有ｄ特別，多左三個人，多左兩個女仔，同埋一個男仔。之後我地三個勁串咀，係到串呀ｓｉｒ。個個Ｆ．２女仔，都幾可愛，英文仲好好ｔｉｍ，搞到好我自卑，好彩下次唔洗同佢一齊補姐。返到屋企，打左比呀晴姐，同佢傾左一陣，就打左比呀怡，同佢傾左一陣。之後，就同左呀怡玩ｓｍｓ玩到兩點半，之後訓左＝＝”。

今日係12月9號  星期五  冇咁凍

　　今日放假，超開心！！！今日訓到十點，之後我呀媽打黎，嘈醒左我。跟住佢買左豆漿，痴飯返黎比我食，好味＞３＜！！今日打左四個鐘頭波，依加都係嘛嘛地累，覺得自己ｄ體能勁左。