今日係12月8號  星期四  冇咁凍

　　今日，起身好似仲凍過前兩日咁，不過其實係今日暖左，都唔知點解。可能身子弱左啦。返到去又係擔心自己會欠功課，所以我一日都好多野要擔心。

今日係12月7號  星期三  好凍

　　今日真係好凍呀，凍到我差ｄ起唔到身呀，起身個時成個人都彊哂。返到學校，入左課室，個個都叫我雞爺，超無奈＝　＝。天氣開始轉冷，請各位親愛既同學仔著多件衫呀！！！祝你地有個開開心心既聖誕！！！

今日係12月6號  星期二  好凍

　　今日，超凍，起身個時好似冇哂力咁，好似起極都起唔到咁，可能係尋晚做功課做得太夜啦。不過晚晚都係咁，做到十一點半，做完上到床即刻訓得著。今日返到去，因為尋晚做功課做得太夜，驚執漏左野，所以好驚欠功課，不過欠唔欠都係咁架啦，咪又係要留係到溫書。今日呀ｓｉｒ當住全校宣佈羽毛球ｂ組嬴左波，我都以經叫左佢低調ｄ，唔好讀我名出黎架，點知佢又唔聽我講，讀左出黎，搞到我係班到都唔係幾好意思＝　＝。唔知學校幾時先比返５７０蚊呢，點解會有咁多錢比返我，因為我游隊有７０蚊交通費，５００蚊就係羽毛球隊，嬴左冠軍唔只有牌拎，仲有錢收，正！！！，打住咁多先。

今日係12月5號  星期一  好凍

　　今日唔知點解一起身就好精神，不過今朝起身真係好凍，凍到我都唔想行返學。終於到左ｌｕｎｃｈ，班際排球終於開始，首先我地落後左一場，之後連追兩場，險勝一分，入左五強。跟住，放左學後既學界羽毛球九龍區第三組ｂ組既決賽，我地學校，又係以局數三比二險勝。所以話今日真係雙喜臨門。

今日係12月4號  星期日  好天

　　今日補左六粒鐘習，超累，返到黎仲要做功課。做到依加先ｏｋ得閒，仲要打比人呀！！！