今日係2月14號  星期二  日日都天灰

　　今日係情人節,祝大家情人節快樂,,,,唔打咁多啦....大把唔開心野,,,唔想係依到講...88

今日係2月13號  星期一  日日都天灰

　　今日,星期一,個個都要返學,不過你地可能會返得好開心,但係我就一定唔開心。放左學之後,我就比呀miss li 留左一陣係到叫我做返中文書,做左唔夠十分鐘就搞掂,簡直係天才。

　　　聽日情人節呀,祝大家情人節快樂!!!!

今日係2月12號  星期日  暖

　　今日,十點半起左身,之後禁下個電話,見到呀怡sd左個msg比我,跟住我就覆返佢.玩左一兩個sms之後佢就打左比我,又傾左一陣,傾到十一點,就出左去刷牙。之後就落左去食早餐。食完左去左柴灣。

              聽日又要返學喇,真係唔想返。><

今日係2月11號  星期六  暖

　　今日,一朝早八點半起左身冇食早餐就去左打波,打左兩粒鐘。之後返到去屋企,知道左一樣野.就係我格黎屋個個呀婆佢去左。有d唔開心。跟住我就落左去食野,食完野之後去左幫手準備攤位遊戲既野,點知見到格格,呀菇,同山雞。點知發現山雞做mc,嚇死我。

今日係2月10號  星期五  唔知點解好似凍左小小咁

　　今日係今個星期既最後一天.又係今個星期唔開心既最後一日,不過都唔係真係開心,一諗起星期一要返學我又唔開心返。今日返到去.我就玩左盤uno,之後等個個八婆Miss Wng走左之後就做中文書。做完就岩岩好落去早會。早會完左之後就上返去課室上堂,上左三堂之後好得肚餓就落左去食野。

　　今日,唔洗打波,所以依加好鬼悶。

     真係唔想再返學喇