今日係2月1號  星期三  又凍左喎><

　　今日,朝早五點幾比一個電話震醒左,之後同佢玩sms玩左兩粒鐘,好累呀!!!跟住我督訓返,一訓訓到九點半,就落左去飲茶。陣間就去左姨媽到喇,又係打機,好想留係屋企添。

今日係1月26號  星期四  又凍左喎><

　　今日係聯校運動會既第二日,抑都係最後一日。簡直係超開心囉。我地學校都不知幾勁,破左勁多紀錄,超勁囉。之後閉幕禮仲好笑。我地學校同梁式芝係到灑花槍,簡直係羡煞旁人。每當我地學校拎一個獎,佢地就會同我地講恭喜彩天,之後我地又答返佢一句多謝梁式芝。之後佢地拎左全場總亞軍,跟住佢地嗌口號,我地又幫手嗌。簡直好似係兩公婆咁呀。羡慕死其餘兩間男校。但係又開心死我地喎。^^今日真係好開心唷。好喇,下屆我地一齊再嗌過。

今日係1月23號  星期二  又凍左喎><

　　今日,一早又係唔想起身,因為好凍唷>o<"。之後一齊正常,今日影左班相。我諗一定好樣衰>o<"點算。

    聽日聯校運動會lu,唔洗上堂,開心^^

今日係1月22號  星期日  又凍左喎><

　　我發覺我個日記係格日打一次。好喇,講返今日既正題,今朝一訓訓到十點半,超正,知唔知點解我會十點半醒,唔係自己擇醒,係比一個msg震醒。之後我就起左身喇。跟住我就執野,比我呀媽話左我成個月我依加先執,就黎比佢煩死,所以先死死氣執。執執下我呀媽打黎叫我地落去飲茶。飲完茶之後,我就去左補習。點知個個女仔又遲到喇,不過佢遲到都好既,因為佢洩左半個鐘比我,咁樣我就學多左半個鐘頭野喇。補完習就返屋企,抖,抖左一粒鐘又去補習。補左一個鐘就走lu。今日行程緊密。有咩聽日講啦,我又要去左做功課喇!!!慘><><><

今日係1月20號  星期五  凍左喎><

　　今日一早都唔想起身，因為凍左。之後我搞掂哂ｄ野，我呀媽煮左個麵比我食。好味！！！之後我就上學去ｌｕ。返到學校，又係擔心個樣野，就係擔心有冇欠功課囉。點知真係．．．．．冇欠。咁就過一日喇，好彩。無驚無險又過一日。放學之後，我約左梁啟彥係九龍灣等。拎返隻ｏｆｆｉｃｅ。