今日係2月8號  星期三  暖

　　今日係新年之後唔開心既第三日,返到去好似唔知點咁,日日都係返學等放學,我覺得自己好哂時間,好哂呀媽d心機。但係我又唔好意思講話要退學。講返今日,今日返到去我即刻抄罰抄,好彩我一路行一到抄先可以抄得哂。之後就落左去聽一個唔識聽既早會"英文早會",都唔知d人係到up乜。返到上去又要想一堂唔想想既英文堂。好悶呀.返學已經再冇好似以前咁開心喇...好後悔上年唔讀書呀,青到依加咁辛苦。之後小息落左去同呀panda佢去書展買書,佢買左一本百五蚊既書,都唔知佢買黎做乜。

　　　　羅中今日嬴波呀！！！

　　　好開心呀！！！

　　　希望你地一路嬴落去！！！

今日係2月7號  星期二  暖

　　今日係唔開心既第二日,我知道左一樣野,就係原來Miss Li都好想我返返去母校羅中,真係好想下年返去讀到中七....好掛住d老師。講返今日,今日我係學校書展左一本書,叫"當Miss愛上呀Sir"。

　　唔知下年可唔可以返返羅中呢?真係好想返去見返d老友,好想見返d老師,仲好想係個到打返波。所以下學期一定要努力,下年一定要入返去。

今日係2月5號  星期日  暖

　　今日一朝早又要做d正經事,所以好鬼忙。之後我就起左身去補習。補到十一點半。跟住一點鐘又補過,一補補到兩點半...,之後五點又補。今日真係補好多習,唉....好唔開心呀...唔想再返學喇。好辛苦呀....3B既同學可唔可以教我點做呀....

今日係2月4號  星期六  暖

　　今日,十點半比人叫醒左,好累呀。家因我比人六點鐘叫左起身玩sms。玩到咁上下,佢訓著左,個時已經係布點鐘,於是我又繼續訓。估唔到個半鐘頭之後比人叫醒左。勁累。之後食左個麵包就係到hea。跟住我就上左床睇書書。到左十二點幾就落左去飲茶,飲到點九就返左屋企,因為我細佬兩點鐘要補習。佢補習蜜就係我呀媽張床到訓左一粒鐘,之後三點半去左補習。點知,去到等左半個鐘先到我補習,搞錯,仲要補得一個鐘,不過有禮物同利是收,今次就算數。之後返到屋企,就睇左陣電視,跟住契媽就黎左喇。又有利是收。正!!!

今日係2月3號  星期五  暖

　　今日一早九點幾起左身,我呀媽就整左d糕比我食,之後黃aunt打黎,叫我幫呀黃小姐買個腸仔包,點知間麵包鋪都冇,之後去左一間勁難食既麵包鋪買,終於買到,果然係一分錢一分貨個包兩個半勁便便到我都唔信。之後我就去左打波,打打下勁暈。咁我就抖左一陣。打完波之後。就入左沙田,同我d姨媽飲茶。飲完佢地又做佢地既指定動作"開台",之後我就同呀怡係到sms喇。佢地打到九點幾就落左去食飯。食到好飽。跟住返到屋企,我就同呀怡玩左一樣好好玩既野.玩左成晚,玩到勁開心。^^