成個星期冇打日記lu....由18號開始抖,都抖左成個星期lu,但感覺好似抖左半個月咁...哈哈

前幾日終於出左去拎機票(其實都只係去簽文件而已!), 聽佢講話要o係機場又要點又要點咁,已經覺得好煩喇...唉,有d擔心添

好多野要攪,16號原來要reg科,唉,所以要拜託其他人幫我reg了,因為而家學校俾我時間表,差不多日日都係返9:00,之後仲要有幾個鐘既吉堂,都顛顛地架,所以一定要轉.....如果唔係,只會走堂多了.....

我既暑假,而家先至叫做正式開始,但抖左2日,反而覺得自己好似無無聊聊咁...

跟Peggie一起去報了<英國文化協會>的IELTS的編班考試.....因為要讀IELTS D course,首先係要去考左佢個編班試先,之後等出個編班試成績,佢先會話您知到底您有冇資格去考IELTS!!!!.....但佢個course d學費唔平啊,要成4000幾蚊,仲要未計考試費....唉,不過當係博一鋪啦,俾d錢人地,希望可以幫下自己執下咁多年黎都係屎到爆既英文啦.....只係怕自己第時D時間唔知點分配姐....

o係黎緊依個學期,仲要讀埋我最怕既account同econ....即係迫我去死姐?!.....第2個sem仲要有Global,都唔知佢想點....上年Virgin,亞恆佢地讀既時候,又唔駛我讀,而家佢地個個勁人走哂,先至黎叫我讀....真係想死!!!!!!!!

依2日朝早,可能之前返工慣左每朝6:30要起身,而家唔駛做,但都會自動扎一扎醒......唉

辛苦完一輪的實習,終於可以停低,出黎既成績,自己都好滿意,亦都出乎自己既意料。

開始要plan下自己o係餘下既暑假仲有d咩大作為喇.....唔可以虛度佢~

但老實說,至少要俾自己抖返個零星期先,因為返工返到個人殘哂散哂.....