尋日去左睇勁歌,7:30入到將軍澳,8:00就開始lu~好在可以坐前面姐,但都係俾前面d燈牌遮左好多!! 見到基仔啦,楊丞琳啦,仲有核突Yumiko and衛詩~基仔唱live依然都係咁好聽,楊丞琳真人真係好靚靚,so cute~之後由於要趕住走,so冇睇埋基仔幫無線收費台錄既節目就走lu~臨走等的士時,仲見到AT17添啊~~^^

跟住我地就一齊搭車去Laura屋企,因為亞介要去Laura家中拎貓貓~拎完又再搭車去南昌再轉西鐵返入元朗搵亞mo佢地.....今天可以算是九龍一日遊.....不停轉車,哈哈!

返到入元朗去都已經11:00,佢地都打完邊爐lu,so我地就一齊去左食糖水and我地既晚餐......

而今日就正式開始做我的report~

Have a Nice Day~

尋日終於拎左之前爛左既錶出去荃灣整,好在都整得到,而且仲唔駛$$~^^

原本尋日應承左亞mo佢地今晚一齊去打邊爐,但尋晚10點幾,基仔fans club竟然打黎問我去唔去睇今晚既<勁歌金曲>,嘩,超開心囉,竟然有得去,而且今次勁歌除左有基仔,仲會有楊丞琳添啊~兩個至愛都會o係到,唔去就真係好似對唔住自己咁!!so....就去唔到打邊爐喇....sorry.....

好期待今晚的勁歌啊~

今日訓到1:00幾先起身,哈哈,多麼頹廢的生活呢?不過享受完這個零星期,又會開始忙碌了!亦要開始為旅遊的final report作準備了....真煩!!!!!!

剛剛在家打算整馬豆糕,但第一次整既時候,唔記得將d粟粉用凍水開左先倒入煲到,於是就變到成煲都係一舊舊,激死....之後自己唔分氣,再整多次,不過我勁加d生粉落去都好似好水咁,因為我怕佢唔識得(晾),而且我冇跟佢既份量黎做,純粹靠自己感覺,哈哈,但而家係整左超大煲出黎囉....希望聽日有得食吧!! 我記得自己o係中二既時候既家政堂係整得好好味架,so我相信我今次係會成功既,而且我好似次次都係誤打誤撞都整到一d外表雖然唔靚,但好好味既野食,哈哈~

定了29-30號上一上去番禺玩,但只得5人去而已....施先生的回鄉証過了期,冇得跟我們一起上去....唉!!!自己原本都唔係好想去的,但又諗起下個月既實習,就決定去玩下吧....如果唔係,一返工到時就邊度都唔駛去!!

遲d會攪一齊去離島玩返幾日,希望多d人去啦....大家擁躍d參加啦~~~~~

星期3約左亞mo佢地一齊出去食飯,順便book埋團....

繼續我頹廢的生活!!!!~~~~~~~

END