尋日去左沙田,因為要in旅遊實習既工....唉,間酒店超殘舊,一d都唔似酒店....之後去到先發現自己原來冇帶到d學歷証明,見工竟然冇帶學歷,都係第一次!!!好在最後都in到!

不過我同另一個男仔入去in,就好快出返黎lu,前後都唔夠3分鐘,但等就等左成個鐘....最攪笑既係,同我一齊入去果個男仔,佢冇帶身分證,so一入去即刻俾條友串佢:聽講您好似連身分證都唔記得帶喎??好攪笑,不過佢就真係有少少離譜既!!我覺得自己一d都唔緊張囉,佢只係問左我3個問題,1係想做咩post,2係有咩優點,3係有咩缺點!我覺得自己答果d exactly係官方答案囉,哈哈~~只係驚返到,miss會鬧我地咩都唔記得帶姐....

in完就同d同學吹左陣水就極速搭車返屋企,一來對鞋整到隻腳超痛,而且約左亞mo佢地夜晚去食飯....最緊要返屋企換返套suit.....

之後8:00幾出去食飯,等位都等左差不多成個鐘,食完都成10:00,之後就去唱k,今次都有幾多人去,好耐未試過咁多人一齊去唱k了,好開心~唱天光,返到屋企6:30am,即訓~~

今日3:00先起身~哈哈

死哂囉!!尋日既英文writing test同今日test既statistic 都一定唔合格囉!!唉....死緊

好累,剛剛先攪掂好哂個中文閱讀報告!!!聽日晏晝仲要去Shatin interview,為左旅遊既實習!!唉....又要著suit...麻鬼煩

剛剛陳展叫我check email,佢話佢gf已經收到人口普查的email,通知佢去training...so陳展都叫我check下,開頭都以為冇,點知一同佢收線,就即刻o係email既雜件箱搵到我果封人口普查既email,因為平時都唔會check雜件箱既,so都冇咩留意到!!......咁其實係咪代表我已經被抽中左呢??係就好喇,返果10幾日就有7,8千蚊,但要training,又要做咩評核先得囉!!

但如果係既話,依個暑假咪忙到爆,仲話去旅行喎,唉,冇行架喇,6月實習,如果真係既,7月又要去做人口普查員.....

Pass Pass Pass~

今日終於係考車既日子lu,好似唔係學左好耐咁,好快....

約左師傅10:30,但自己就7:00幾自動扎醒左lu...可能太緊張既關係吧!~~之後去學多個幾鐘,就去考了.....真係好驚,不停咁同個師傅講我好驚好驚.....原本我係考11:55,但就11:30就可以考了,而且今日都有幾多人都同我一樣係考路試的!~

一開始<泊位>,照住我平時既方法泊,但唔知發咩瘟囉,原本我平時only對泊位有信心的,但當我停左架車時,就發現好似歪左少少,於是亞sir就落車睇左一陣,就叫我開車走喇.....最慘係唔知得唔得呀ma,個亞sir黑口黑面喎,勁嚴肅囉!!so自己都打左一半輸數了...而且亞sir叫我行既果條路竟然係冷門果條,真攪笑,不過都冇咩問題....到我最驚既<掉頭>時,平時成日都俾師傅話既,今日又出奇地順利 ....之後就返返考牌站lu....好快就考完!!

一落車,我就即刻問個師傅我泊位係咪好差,佢話:唔係呀,幾好呀,只係向得唔夠後姐,不過您差好少好少就踏住條界fail架喇...但我又剛剛好,冇出到界,哈哈....真係有驚無險!!之後就入去等出result....超級緊張,等左一陣,佢就出黎問我:您學左幾多個鐘呀? 我話:50hrs! 佢即刻好似好大反應咁下左聲,我再講:我學左50個hrs!! (其實我都唔知點解,之前師傅叫我,如果亞sir問我學左幾多個鐘的話,就講話自己學左50hrs,當時我聽到自己都笑左出黎囉!!)....之後另一條友就同我講話得喇and <您pass呀!!>

一出到去,就同師傅講我pass左喇,佢就好攪笑咁話我一泊好位,就叫糊!!因為佢知道我會有好大機會pass,哈哈~仲要佢話考我既亞sir係好嚴格的,如果換左第2個,就可以肯定話我會pass,但依個就唔肯定啊~但都俾我...Yeah,好勁呀我~呵呵

真係勁開心呀~一take 就pass喇,yeah yeah yeah~下星期拎左牌之後就可以楂車喇,不過自己始終都仲有d驚驚地,話哂都冇左個師傅旁住ma,而且自己好似楂慣左Van仔,我怕唔識楂私家車囉~~

今日發生既事,可以列入我既人生中的大事件之一啊,呵呵呵呵