又隔了好幾天,冇打日記了!!!!!!!!!

今天又出去學車,只係記得學車師傅不停同我講:不過不失啦~不論我係普通楂車定係泊位、倒頭等,佢都只係對我有咁既comment ....唉,睇睇下,好快就考了,但時間好似總係唔夠咁,因為黎緊仲有勁多功課,又有好幾個test...痴線!

近排發覺...自己好似好耐冇真正咁同其他人傾過自己既感受,即係我地所講既傾心事!!原來得閒唔同人地傾下計,真係會好辛苦...突然覺得自己其實都幾奇怪,俾人誤解,每天被挑戰EQ,仍然可以扮作若無其事....自己最後就選擇將自己既感覺收埋,到某段時間,望返轉頭,真係覺得自己都幾厲害...以前既我,相信一定容忍唔到!!

咁樣到底係好事定壞事呢??

剛剛又換了background music....很舒服的歌,自己卻好像被歌詞說中!!

很久沒打日記,因為之前幾天都沒有什麼事好值得去記低....

尋日上第一堂既PE堂,一開始就要跑圈跑5Mins....而家隻腳攰到想死,再加上尋日打打下,落大雨,淋到成身濕哂!!人都顛,好在有帶衫去換....

放學放6:30,就入左去龍鼓灘BBQ....落咁大雨BBQ,都係第一次!! 燒到1:00到,我地一行17個人座3架車由龍鼓灘出返去...好得人驚 ....仲要我地o係出去既途中,3架車竟然行左去對頭線囉....真係有驚無險!!!仲要見到架泥頭車,向我地迎面駛過黎,先至返轉頭....攪笑 ....

3:00幾就返Home ...好在聽日(星期二)唔駛返學姐~

剛回家~

今天12:00出左去mk學車!!!學完就趕頭趕命咁返學校,同d同學傾下份Tourism既powerpoint....尋日自己用左幾個鐘頭既時間做的,雖然自覺好求其,但係我d組員都好似幾滿意我做既powerpoint, 哈哈!~其實開頭我地都估緊,到底需唔需要咁認真去做份powerpoint去present呢?但最後...原來組組都好認真,連Miss都話估唔到我地會咁認真對依份野!!哈哈~攪笑~

present完就去左溫生屋企with陳展,Kidd,亞恆打牌!!冇錯...又係打牌....唉,自己都覺得愈來愈爛賭喇,要改下喇~~~呵呵

之後打到夜晚7:00就返home食飯,因為好似好幾日都冇陪亞媽食飯咁,而且亞爸佢今日o係大陸釣完魚返黎...so都好準時回家吃飯~^^食完hea左陣,大概9:00幾就出去了,因為約左Peggie,da,溫生去睇戲...<犀照>!!!!

套戲都幾恐怖!!!而且仲有d核突咁...好似好血腥....有d位都真係幾得人驚!!不過都d感動位,睇到都有少少眼濕濕既....總括黎講,套戲都唔錯..比我自己預期中好睇 ~~~~~~~