尋日一上堂就上到7點....之後約左Peggie去睇衫....之後就搵埋亞介,mo佢地,食埋野就一齊去左行年宵市場....雖然冇咩野行,但自己都買左d花,哈哈~都幾靚呀~

聽日開始唔o係屯門住,因為我地年年都會返入粉嶺過年.....

但聽日好似會有好多親戚朋友一齊食飯,唔鍾意咁!!!

我愛你麼 我怕你麼 厭惡你方能夠不難過
憎你那過錯 憎你放棄我 再愛你嫌命長麼

唉...今日冇返到3:30既中文,去左返工,同自己講真係唔可以再有下一次了.....再咁走堂法,真係唔知點算!!!

之後搭車返工去到差不多西鐵站時,先醒起自己唔記得左帶制服...唉....於是乎又返返去屋企拎返...不過就返遲左一個hrs....

今日唔知做咩,個胃,眼同個頭都好痛,我唔死都冇用架喇!!!!食左少少野都好似想嘔返出黎咁,個胃痛到顛....而且我懷疑自己係腦震盪,成日都好頭暈!!!!痴線

愈來愈覺得自己編果個時間表編得好差,因為聽日要一連返4堂,由朝早11:00返到夜晚7:00....不過剛剛同Peggie約左聽日一齊去行花市~yeah,星期五又唔駛返學,放假放到2月6號,yeah yeah yeah~~~

今日同尋日都冇返到10:30果堂,唉...因為實在太攰喇,完全唔想起身....

到差不多1:30先捨得去起身,返3:30既 旅遊--> Hospitality!!! <--上左第一堂後先識得讀依個字,超遜....

雖然依班入面冇一個人係自己認識既,但唔知點解,好似好開心咁,好似會好free~因為依科係唔需要考試,而且仲會有實習添啊~太好了....落堂走去問Miss,佢仲話第時會有機會去d去Airline 果d度實習,如果係就好喇,不枉我選依一科~突然對依一科充滿好大既期待~~~~~上完依一堂真係好開心~