依幾日都冇打日記.因為亞媽佢地一定要我溫筆試,跟本都冇時間打....唉

而尋日就一早去左考,就係咁Pass左~~之後就排埋期考路試....好快就要考路試喇...真係好快!!3月28號就考lu....好驚,仲要出到去老遠考&學...唉

之後攪掂哂就去埋銅鑼灣商務諗住買埋本<旅遊--hospitality>既書....點知出到去,佢先同我講話原來之前miss幫我地留果本書,只會hold起3日.....so佢地已經將本書放返出去書架...本來都可以照買既,但自己又衰,唔記得左個書名,so最後都係冇買到...shit

於是就死死氣返返入屯門,再返屋企打牌,因為亞媽d舊同學一年一次既聚會又到,so黎我地home食飯&打牌~我就負責<鄧腳>!!!!

不過可能d運氣o係朝早既筆試用哂,唉,係咁輸錢!!!!!!!!

年初四~當個個人都開始返工既時候,自己就可以繼續o係屋企自己最愛既床上面熟睡,訓到黃朝8晏,真係一件好幸福既事~呵呵

不過星期一就返學lu,一返學就會開始忙,又要交功課,遲d又要test,最慘就係返學日日都要早起身,又想返工返哂果70個hrs,努力搵銀喎!!......所以就襯而家自己仲有機會咁他條,就好好咁享受下喇~

依幾日o係粉嶺過,真係幾開心既,而且好似俾左d時間去諗下,返黎果種感覺真係好似重頭黎過,有個新既開始咁~希望可以繼續keep住吧。

自己真係咩都唔諗喇,唔再多心,請放心啦!!

要重新建立信心~

依幾日都o係粉嶺過,由年三十晚到今日年初三都o係果邊過,不過今年3伯父同3伯娘由台灣返左黎同埋亞嫲一齊過年,熱鬧左好多~哈哈仲有堂哥<殺手亞包>佢地都黎左!!

年初一: 要一早起身,因為要返入天水圍去經理屋企拜年,仲要贏左錢啊~哈哈,好好彩!!之後玩完返返入粉嶺BBQ....

年初二: 又再一齊食飯~好開心~hea下hea下又一day~^^我地又再BBQ,又玩偷拍,超好笑~

至於今日又係一早起身,由粉嶺返入黎元朗,因為約左Christine,同好耐冇見既練郁初,一齊同簫sir食飯and拜年,仲俾我地知道左d驚人既消息...真係好震驚!!!大跌眼鏡

P.S.仲有一件攪笑野: <由於3伯娘係台灣人,so我地同佢溝通都係用國語的。>話說2伯父o係度食煙喎,於是佢就用佢d唔鹹唔淡既國語同3伯娘講:我破戒呀...(我仆街呀) 而家諗返都覺得好好笑~我地一致都覺得計埋我亞爸,再加上佢3位哥哥,都有一個共通點,就係傻傻地,成日都講埋D好白痴既野....哈哈