尋日執左個o急好耐先至執得哂D野,最後我係要拉住一個漲爆既o急,揹住個漲bookbook既背狼,手抽住一大袋又係漲爆既袋.....

1點鐘就離開池袋,同家姐say bye後就搭車去機場,而家諗返起抬住d野行果條樓梯,真係佩服自己,哈哈~搭火車時仲訓到死豬咁,去到機場都仲係呆呆滯滯.....之後o係機場食埋野,就去check in了,早左好多入到去,o係入面打住機等上機,3點幾等到6:30先上機,唉,鬼叫自己拎住咁死多野咩,迫住坐o係到呆等.....

6:30上機,個死人空姐,叫佢幫我一齊抬個o急上去,見佢只係搵隻手指尾咁"幫''我抬囉...頂,最後都係自己抬.....PK.....之後等佢起飛,坐左o係度,心諗好快就起飛架啦,但等下等下自己訓著左,扎醒以為自己已經o係半空啦,再望清楚先知原來自己仲o係成田機場,都低能架,之後攪到成7:30先起飛......

到hk都10:00幾lu....好快咁攪掂哂d野,但最終都係趕唔到尾班船,唯有坐慢到死既巴士.....

返到黎hk既一刻,好多感覺都返返黎,有好有唔好,好煩!!!

今日又去了池袋行,因為行極都總有野買.....之後去到間專賣宮崎駿既shop,家姐就同我講話佢想拎500yen去抽獎,因為佢想要2獎既<魔女宅急便>既檯燈,咁我就叫佢抽啦....哈哈~~~點知俾佢抽中既係:一等獎......勁勁勁!!!一等獎有兩個,其中一個係<魔女宅急便>,係插電之後有水o係上面流出黎果d擺設,另一個我就鍾意多d,係<哈爾移動城堡>果個城堡黎,但我地又怕拎到返hk,沚齊佢會驚,更何況家姐佢鍾意既係<魔女宅急便>....所以最後就抬左個野返黎...冇錯!係抬,因為果盒野係好大盒,又重又怕會打爛.....超麻煩囉,抽到之後,我地都即刻返酒店放低左先再出去。

之後我地就去下北澤,果度都ok多野睇,行到8:00幾就去新宿食左另一間既烏冬&壽司,then就返池袋酒店lu~

聽日就返去hk lu~

今日去左:

淺草寺--雷門

上野

返去池袋

作最後既衝刺買野....

夜晚同家姐買左d宵夜and啤酒返酒店,輕輕鬆鬆又一天,但好累....