依一日,我地要一早起身,因為要去築地市場食新鮮既壽司啊~但我地9:00幾去到果2間推介既鋪頭,點知排哂長龍,真係長得好交關,成個築地市場只係得依2間排隊排得咁交關.....前後我地等左成個幾鐘先入到去食.....

不過幾辛苦幾累都值得既,因為當您見到您叫既壽司,例如北寄貝同赤貝壽司o係入口前仲係生out out咁郁下郁下既時候,就真係物有所值了。佢地d壽司真係好新鮮,o係不知不覺間,我地埋單既時候係超貴囉,真係未試過食壽司食咁貴.....唉,算吧算吧...好在家姐俾錢.....Thx

之後我地食完野就去銀座搵我上一次剪頭髮果間Salon,點知又俾我好既唔靈醜既靈....間野執左!!!後尾好辛苦咁先搵到另一間分店....整完個頭之後,我地就去左新宿行,去埋其他鋪頭睇,終於都o係其中一間買左個袋喇,yeah~之後買完後我地就去食好好味既手打烏冬,真係good啊,但唔知點解次次自己叫親d野食都冇人地果d咁好味架喎....激死

又一day了~好快就返hk了~

而今日就係第一日同家姐o係池袋四圍逛,行到腳跛,第一站已經買了一個打拳+發洩既野,但仲要搭車去原宿....拎住佢既時候,當時真係有點後悔咁早買左佢.....

去到原宿,行左好多鋪頭,都可以話行哂我地想行既地方,亦都買左我地想買既野--牛仔褲!! 去左Levi's買左條都頗貴既日版501牛仔褲,但而家諗返起都唔明點解當時可以咁豪.....又去左Beam睇,d野平hk好多,但都只係buy左對耳環而已.....

之後食埋野先返去,去新宿....新宿真係一個好正既地方(我覺得比原宿更好tim!)行多左陣就返池袋既酒店lu.....

最值得一提既係, 我同家姐去到邊都好似想搗亂人地鋪頭咁,哈哈,因為我一入到去就差不多件件衫都拎起黎併下睇下咁,睇完又好求其咁放返o係度,哈哈,之後家姐係咁話我好似d大陸人咁,之後佢果幾日就係咁叫我做大陸籬....!!!

今日就一早起身,去左附近行,很舒服的感覺,無人煩住自己,而且又唔駛同人講野(就算我講,人地都聽唔明~hoho),free~~

之後就開始第一天的shopping day~主要都是買衫而已,其他都買得不多,最重要的是很多都已經過了大減價了.....但都拎到我想死,所以就返左酒店放低d野,抖左陣再出去~

已經忘記了自己逛到幾點鐘,記得等埋家姐過到黎,又係成12:00幾,仲要加上佢蕩失路,攪到我四圍咁搵佢,又落雨喎....

其實一個人有一個人去旅行既好處,但有個伴又真係開心好多,唉...都唔知想講咩....